കോട്ടയത്ത് രണ്ട് വയസ്സുകാരൻ ആൾമറയില്ലാത്ത കിണറ്റിൽ വീണ് മരിച്ചു

കോട്ടയം: കോട്ടയം തിടനാട് പഞ്ചായത്തിൽ രണ്ട് വയസുകാരൻ കിണറ്റിൽ വീണ് മരിച്ചു. പിണ്ണാക്കനാട് സ്വദേശികളായ അലൻ-സുനീഷ ദമ്പതികളുടെ മകൻ ഇവാനാണ് മരിച്ചത്. 

കുട്ടിയെ കാണാതായതിനെ തുടർന്ന് നടത്തിയ തിരച്ചിലിലാണ് ആൾമറയില്ലാത്ത കിണറ്റിൽ വീണ നിലയിൽ കണ്ടെത്തിയത്. കളിക്കുന്നതിനിടെയാണ് കുട്ടി കിണറ്റിൽ വീണതെന്നാണ് വിവരം. 

തുടർന്ന് ഈരാറ്റുപേട്ടയിൽ നിന്ന് എത്തിയ ഫയർഫോഴ്സ് സംഘം കുട്ടിയെ കിണറ്റിൽ നിന്ന് പുറത്തെടുത്തു. എന്നാൽ ജീവൻ രക്ഷിക്കാനായില്ല.