‘അദ്ദേഹം എന്തിനാണ് അങ്ങനെ ചെയ്തതെന്ന് അറിയില്ല’: കാൺപൂർ വ്യവസായിയുടെ കൊലപാതകത്തിൽ മരുമകൾ ശാലു ജയിൽ മോചിതയായി | Kanpur Businessman Murder

കാൺപൂർ: കാൺപൂരിലെ പ്രമുഖ മരുന്ന് വ്യവസായി വിനീത് മനോച്ച കൊല്ലപ്പെട്ട കേസിൽ 21 ദിവസം ജയിലിൽ കഴിയേണ്ടി വന്ന മരുമകൾ ശാലു മനോച്ചയെ പോലീസ് കുറ്റവിമുക്തയാക്കി വിട്ടയച്ചു. ശാലുവിന് കൊലപാതകത്തിൽ പങ്കുള്ളതായി തെളിവുകളൊന്നുമില്ലെന്ന് ചൂണ്ടിക്കാട്ടി പോലീസ് കോടതിയിൽ റിപ്പോർട്ട് നൽകിയതിനെ തുടർന്നാണ് നടപടി. അതേസമയം, സ്വത്ത് തട്ടിയെടുക്കാനും കുടുംബ തർക്കങ്ങളെ തുടർന്നും സ്വന്തം പിതാവിനെ കൊലപ്പെടുത്താൻ ഗൂഢാലോചന നടത്തിയത് വ്യവസായിയുടെ ഏക മകനായ സുബ്രത് മനോച്ചയാണെന്ന് പോലീസ് കണ്ടെത്തി.(Kanpur Businessman Murder Case Son Plotted Crime Daughter In Law Released)

സെപ്റ്റംബർ 5-നാണ് ഇന്ദിരാനഗറിലെ ഫ്ലാറ്റിൽ കഴുത്തറുത്ത നിലയിൽ വിനീത് മനോച്ചയുടെ മൃതദേഹം കണ്ടെത്തിയത്. കേസിന്റെ ആദ്യഘട്ടത്തിൽ പോലീസ് ശാലുവിനെ പ്രതിയാക്കി അറസ്റ്റ് ചെയ്യുകയായിരുന്നു. എന്നാൽ, വിശദമായ ചോദ്യം ചെയ്യലിലും അന്വേഷണത്തിലും കൊലപാതകത്തിന്റെ പിന്നിലെ യഥാർത്ഥ സൂത്രധാരൻ മകൻ സുബ്രതാണെന്ന് പോലീസ് കണ്ടെത്തുകയായിരുന്നു.

വിനീത് മനോച്ചയുടെ മുൻ ജീവനക്കാരനായ വിശാൽ, അയാളുടെ സഹായി രാജ് കിഷോർ എന്നിവരെ ചോദ്യം ചെയ്തതോടെയാണ് മകൻ സുബ്രത് മനോച്ചയാണ് കൊലപാതകത്തിന് പിന്നിലെന്ന് വെളിപ്പെട്ടത്. ജയിൽ മോചിതയായ ശേഷം നടന്ന സംഭവങ്ങളിൽ ഞെട്ടൽ രേഖപ്പെടുത്തിയ ശാലു, ഭർത്താവും പിതാവും തമ്മിൽ തർക്കങ്ങൾ നിലനിന്നിരുന്നുവെങ്കിലും ഭർത്താവ് സ്വന്തം അച്ഛനെ കൊലപ്പെടുത്താൻ പദ്ധതിയിടുമെന്ന് സ്വപ്നത്തിൽ പോലും കരുതിയിരുന്നില്ലെന്ന് പറഞ്ഞു. കൊലപാതകം നടന്ന രാത്രിയിൽ താൻ ഭർത്താവിനൊപ്പം ഒരു പാർട്ടിയിലായിരുന്നുവെന്നും സുബ്രതിന്റെ മനസ്സ് വായിക്കാൻ തനിക്ക് കഴിഞ്ഞില്ലെന്നും അവർ കൂട്ടിച്ചേർത്തു.

വീട്ടിൽ പൂക്കളുമായി എത്തിയ വിശാലുമായി സംസാരിച്ചത് പാർട്ടിക്ക് വേണ്ടിയുള്ള പൂക്കളമൊരുക്കാനാണെന്നും മറ്റ് ദുരൂഹതകൾ ഇതിലില്ലെന്നും ശാലു വ്യക്തമാക്കി. താൻ ജയിലിലായിരുന്ന 21 ദിവസവും 6 വയസ്സുള്ള മകനെക്കുറിച്ചായിരുന്നു ആശങ്കയെന്നും അവനെ മുൻനിർത്തി മാത്രമായിരിക്കും ഇനി തീരുമാനങ്ങളെന്നും ശാലു പ്രതികരിച്ചു. ഭർത്താവിന് മാപ്പ് നൽകുമോ എന്ന ചോദ്യത്തിന് ഇപ്പോൾ മറുപടി പറയാനില്ലെന്ന് അവർ അറിയിച്ചു.

Story Summary

In Kanpur, pharma businessman Vineet Manocha’s daughter-in-law Shalu was released after 21 days in jail as police filed a closure report finding no evidence against her. Police now allege the victim’s son, Subrat Minocha, orchestrated the murder plot over family disputes.