“വിമാനം തകർക്കാനുള്ള ശ്രമം ഒഴിവായി”: നെതന്യാഹു; ഫ്‌ളൈദുബായ് FZ1073 കോക്പിറ്റിലെ രക്തച്ചൊരിച്ചിലിൽ ഭീകരാക്രമണ കോൺ അന്വേഷിച്ച് ഇസ്രയേൽ | Flydubai FZ1073
Current: മലയാളം
ദുബായ്: ദുബായിൽ നിന്ന് ടെൽ അവീവിലേക്ക് പറന്ന ഫ്‌ളൈദുബായ് വിമാനത്തിൽ പൈലറ്റുമാർ തമ്മിൽ ഏറ്റുമുട്ടിയതിനെ തുടർന്ന് വിമാനം സൗദി അറേബ്യയിലെ തബൂക്കിൽ അടിയന്തരമായി ഇറക്കി (Flydubai FZ1073). ഫ്‌ളൈദുബായ് FZ1073 വിമാനത്തിന്റെ കോക്പിറ്റിലുണ്ടായ സംഘർഷത്തിനിടെ ഒരു പൈലറ്റിന് കുത്തേറ്റതായാണ് റിപ്പോർട്ട്. സംഭവത്തെ തുടർന്ന് വിമാനം പെട്ടെന്ന് ഉയരം കുറയ്ക്കുകയും അടിയന്തര സന്ദേശങ്ങൾ കൈമാറുകയും ചെയ്തിരുന്നു.
ദുബായ് അന്താരാഷ്ട്ര വിമാനത്താവളത്തിൽ നിന്ന് ബെൻ ഗുറിയോൺ വിമാനത്താവളത്തിലേക്ക് പുറപ്പെട്ട ബോയിംഗ് 737 MAX വിമാനത്തിൽ ഏകദേശം 180 പേരുണ്ടായിരുന്നതായാണ് വിവിധ റിപ്പോർട്ടുകൾ. വിമാനത്തിന്റെ ഉയരം വളരെ വേഗത്തിൽ താഴ്ന്നതായും ഫ്‌ളൈറ്റ് ട്രാക്കിംഗ് വിവരങ്ങളിൽ വ്യക്തമാണ്. പിന്നീട് വിമാനം തബൂക്കിലേക്ക് വഴിതിരിച്ചുവിടുകയായിരുന്നു.
കോക്പിറ്റിൽ സംഘർഷമുണ്ടായതിനെ തുടർന്ന് യാത്രക്കാരും ജീവനക്കാരും ഇടപെട്ട് ആക്രമണം നടത്തിയയാളെ കീഴ്പ്പെടുത്തിയെന്നാണ് യാത്രക്കാരുടെ മൊഴികൾ. വിമാനത്തിലുണ്ടായിരുന്ന മറ്റ് പൈലറ്റുമാരും ജീവനക്കാരും ചേർന്നാണ് വിമാനത്തിന്റെ നിയന്ത്രണം വീണ്ടെടുത്തതെന്നും റിപ്പോർട്ടുകളുണ്ട്.
തബൂക്ക് വിമാനത്താവളത്തിന് രാവിലെ 8.44ഓടെ അടിയന്തര സന്ദേശം ലഭിച്ചതായും തുടർന്ന് വിമാനം സുരക്ഷിതമായി ലാൻഡ് ചെയ്തതായും റിപ്പോർട്ടുകളുണ്ട്. ക്യാപ്റ്റനും സഹപൈലറ്റിനും പരിക്കേറ്റതായും ഇരുവരെയും ആശുപത്രിയിൽ പ്രവേശിപ്പിച്ചതായും റിപ്പോർട്ടുകൾ പറയുന്നു. വിമാനത്തിലെ യാത്രക്കാരും ജീവനക്കാരും സുരക്ഷിതരാണെന്ന് ഫ്‌ളൈദുബായ് സ്ഥിരീകരിച്ചിട്ടുണ്ട്.
വിമാനം അടിയന്തരാവസ്ഥ സൂചിപ്പിക്കുന്ന 7700 കോഡ് നൽകിയതിന് പിന്നാലെ അനധികൃത ഇടപെടൽ/ഹൈജാക്ക് സൂചിപ്പിക്കുന്ന 7500 കോഡും പ്രക്ഷേപണം ചെയ്തതായി ഫ്‌ളൈറ്റ് ട്രാക്കിംഗ് വിവരങ്ങൾ സൂചിപ്പിക്കുന്നു. പിന്നീട് 7700 കോഡിലേക്ക് മടങ്ങിയ ശേഷമാണ് വിമാനം തബൂക്കിൽ ഇറങ്ങിയത്.
സംഭവം ആസൂത്രിതമായ ആക്രമണമാണോയെന്നതടക്കമുള്ള കാര്യങ്ങളിൽ അന്വേഷണം തുടരുകയാണ്. ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു സംഭവത്തെ വിമാനം തകർക്കാനുള്ള ശ്രമമായി വിശേഷിപ്പിക്കുകയും വലിയ ദുരന്തം ഒഴിവായെന്നും പ്രതികരിച്ചു. ഇസ്രയേൽ അധികൃതർ സംഭവത്തിന് ഭീകരാക്രമണവുമായി ബന്ധമുണ്ടോയെന്നതും അന്വേഷിക്കുന്നുണ്ട്. അതേസമയം, സംഭവത്തിന്റെ കൃത്യമായ കാരണം സംബന്ധിച്ച് അന്വേഷണം പൂർത്തിയായിട്ടില്ല.
Story Summary:
A Flydubai flight from Dubai to Tel Aviv was diverted to Tabuk, Saudi Arabia, after a violent confrontation in the cockpit in which one pilot was reportedly stabbed. Passengers and crew helped restrain the attacker, allowing other pilots to regain control of the Boeing 737 MAX and land it safely; authorities are investigating the incident, including allegations of an attempted attack.
