രാജ്യതലസ്ഥാനത്ത് തണുപ്പ് പടരുന്നു; ഡൽഹിയിൽ കുറഞ്ഞ താപനില 23.2 ഡിഗ്രി സെൽഷ്യസായി താഴ്ന്നു: വായു ഗുണനിലവാരം മിതമായ നിലയിൽ തുടരുമ്പോഴും വരും ദിവസങ്ങളിൽ തെളിഞ്ഞ വരണ്ട കാലാവസ്ഥ അനുഭവപ്പെടുമെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം
Current: മലയാളം
ഡല്‍ഹി: രാജ്യതലസ്ഥാനത്ത് കുറഞ്ഞ താപനില 23.2 ഡിഗ്രി സെല്‍ഷ്യസായി കുറഞ്ഞു. ഈ സീസണിലെ സാധാരണ താപനിലയേക്കാള്‍ നേരിയ കുറവാണിത്.
അതേസമയം ഡല്‍ഹിയിലും സമീപ പ്രദേശങ്ങളിലും പ്രധാനമായും വരണ്ട കാലാവസ്ഥയായിരിക്കും വരും ദിവസങ്ങളില്‍ അനുഭവപ്പെടുകയെന്ന് കേന്ദ്ര കാലാവസ്ഥാ വകുപ്പ് പ്രവചിച്ചു.
വ്യാഴാഴ്ച രേഖപ്പെടുത്തിയ 24 ഡിഗ്രി സെല്‍ഷ്യസിനേക്കാള്‍ 0.8 ഡിഗ്രി കുറവാണ് വെള്ളിയാഴ്ച രാവിലെ സഫ്ദര്‍ജംഗ് ബെസ് സ്റ്റേഷനില്‍ രേഖപ്പെടുത്തിയത്. റിഡ്ജ് (21.2°C), ലോധ റോഡ് (22.3°C), അയാനഗര്‍ (22.8°C), പാലം (22.5°C) എന്നിവിടങ്ങളിലും പുലര്‍ച്ചെ താരതമ്യേന തണുപ്പുള്ള അന്തരീക്ഷമായിരുന്നു.
നഗരത്തിലെ വായു ഗുണനിലവാര സൂചിക ‘മിതമായ’ നിലയില്‍ തുടരുകയാണ്. ഡല്‍ഹിയില്‍ തണുത്ത അന്തരീക്ഷം നല്‍കിയിരുന്ന കാലാവസ്ഥാ വ്യതിയാന സിസ്റ്റം അകന്നുപോയതോടെ മേഘാവൃതമായ അന്തരീക്ഷവും മഴസാധ്യതയും കുറഞ്ഞിട്ടുണ്ടെന്ന് കാലാവസ്ഥാ വകുപ്പ് ഉദ്യോഗസ്ഥര്‍ വ്യക്തമാക്കി.
മഴയും മേഘങ്ങളും മാറുന്നതോടെ വരും ദിവസങ്ങളില്‍ പകല്‍ താപനില ഉയരുമെന്നാണ് പ്രവചനം. വെള്ളിയാഴ്ച പരമാവധി താപനില 34 ഡിഗ്രി സെല്‍ഷ്യസിന് അടുത്തായിരിക്കുമെന്നും കാലാവസ്ഥാ കേന്ദ്രം കൂട്ടിച്ചേര്‍ത്തു.
