കരിങ്കൊടി പ്രതിഷേധത്തിൽ ഇരട്ടത്താപ്പെന്ന് പരാതി: DYFIക്ക് ജാമ്യമില്ലാ വകുപ്പ്; യുവമോർച്ചയ്ക്ക് സ്റ്റേഷൻ ജാമ്യം | DYFI Denied Bail

കാസർഗോഡ്: മന്ത്രി ഒ.ജെ. ജനീഷിനെതിരെയുള്ള കരിങ്കൊടി പ്രതിഷേധത്തിൽ പോലീസിന്റെ ഭാഗത്തുനിന്ന് പക്ഷപാതമുണ്ടായതായി ആക്ഷേപം. ഒക്ടോബർ 1-ന് അഞ്ച് മിനിറ്റിന്റെ വ്യത്യാസത്തിൽ പോലീസ് സ്റ്റേഷൻ പരിധിയിൽ നടന്ന സമാനമായ പ്രതിഷേധങ്ങളിൽ പോലീസ് രണ്ട് വ്യത്യസ്ത രീതിയിൽ എഫ്.ഐ.ആർ രജിസ്റ്റർ ചെയ്തതാണ് വിവാദത്തിന് വഴിവെച്ചത്.(DYFI Denied Bail While Yuva Morcha Gets Station Bail In Minister Protest Case In Kanhangad)

സംഭവത്തിൽ അഞ്ച് ഡിവൈഎഫ്ഐ (DYFI) പ്രവർത്തകർ റിമാൻഡിലായപ്പോൾ, ആറ് യുവമോർച്ച പ്രവർത്തകർക്ക് സ്റ്റേഷൻ ജാമ്യം ലഭിച്ചു. മന്ത്രിയുടെ യാത്രാമാർഗ്ഗം തടസ്സപ്പെടുത്തിയ യുവമോർച്ച പ്രവർത്തകർക്കെതിരെ ബി.എൻ.എസ്.എസ് പ്രകാരം ജാമ്യം ലഭിക്കാവുന്ന വകുപ്പുകൾ ചുമത്തിയ പോലീസ്, ഔദ്യോഗിക കൃത്യനിർവ്വഹണം തടസ്സപ്പെടുത്തി എന്ന് ആരോപിച്ചാണ് ഡിവൈഎഫ്ഐ പ്രവർത്തകർക്കെതിരെ വകുപ്പ് 132 ഉൾപ്പെടെയുള്ള ജാമ്യമില്ലാ കുറ്റങ്ങൾ ചുമത്തിയത്.

ഡിവൈഎഫ്ഐ പ്രവർത്തകർ കീഴടങ്ങിയതിന് പിന്നാലെ കോടതി ഇവരെ റിമാൻഡ് ചെയ്യുകയായിരുന്നു. എന്നാൽ ആരോപണങ്ങൾ നിഷേധിച്ച ഹൊസ്‌ദുർഗ് സി.ഐ, രണ്ട് സംഭവങ്ങളും വ്യത്യാസമുള്ളതാണെന്നും മന്ത്രിയുടെ വാഹനത്തിന്റെ ബോണറ്റിലേക്ക് ഡിവൈഎഫ്ഐ പ്രവർത്തകൻ ചാടിക്കയറിയതിനാലാണ് ഗുരുതരമായ വകുപ്പുകൾ ചുമത്തിയതെന്നും വിശദീകരിച്ചു.

Story Summary

Allegations of police bias have surfaced in Kanhangad over contrasting FIRs filed for black flag protests against Minister O.J. Janeesh. While DYFI activists were slapped with non-bailable charges and remanded for protesting, Yuva Morcha workers involved in a similar protest five minutes apart were granted station bail, prompting political criticism.