ഒക്ടോബറിൽ ബാങ്കുകൾക്ക് തുടർച്ചയായ അവധി; കേരളത്തിൽ ഈ ദിവസങ്ങളിൽ ബാങ്ക് ശാഖകൾ അടഞ്ഞുകിടക്കും | October 2026 bank holidays

ന്യൂഡൽഹി: ഒക്ടോബർ മാസത്തിൽ ബാങ്ക് ഇടപാടുകൾ നടത്താനിരിക്കുന്നവർക്ക് പ്രധാന അറിയിപ്പ് (October 2026 bank holidays). വിവിധ ദേശീയ അവധികളും പ്രാദേശിക ഉത്സവങ്ങളും കാരണം രാജ്യത്തിന്റെ വിവിധ ഭാഗങ്ങളിൽ ഈ മാസം ബാങ്കുകൾക്ക് നിരവധി അവധികളുണ്ടാകും. സംസ്ഥാനങ്ങൾക്കനുസരിച്ച് അവധി ദിനങ്ങളിൽ വ്യത്യാസമുണ്ടാകും. രണ്ടും നാലും ശനിയാഴ്ചകളും ഞായറാഴ്ചകളും ഉൾപ്പെടെയുള്ള സാധാരണ അവധികൾക്ക് പുറമെയാണിത്.

ബാങ്കുകൾക്ക് അവധിയുള്ള പ്രധാന ദിവസങ്ങൾ
ഒക്ടോബർ 2: ഗാന്ധി ജയന്തി പ്രമാണിച്ച് രാജ്യവ്യാപകമായി ബാങ്കുകൾക്ക് അവധി.

ഒക്ടോബർ 10: മഹാലയ അമാവാസി പ്രമാണിച്ച് കർണാടകയിലും പശ്ചിമ ബംഗാളിലും ബാങ്കുകൾ പ്രവർത്തിക്കില്ല.

ഒക്ടോബർ 17: മഹാസപ്തമി പ്രമാണിച്ച് ത്രിപുരയിൽ ബാങ്ക് അവധി.

ഒക്ടോബർ 19: ദസറ, മഹാഷ്ടമി, മഹാനവമി, ആയുധപൂജ, ദുർഗാപൂജ തുടങ്ങിയ ആഘോഷങ്ങളുടെ ഭാഗമായി കേരളം ഉൾപ്പെടെയുള്ള വിവിധ സംസ്ഥാനങ്ങളിൽ ബാങ്കുകൾക്ക് അവധി.

ഒക്ടോബർ 20: വിജയദശമി, ദസറ ആഘോഷങ്ങളുടെ ഭാഗമായി കേരളം ഉൾപ്പെടെ നിരവധി സംസ്ഥാനങ്ങളിൽ ബാങ്കുകൾ അടഞ്ഞുകിടക്കും.

ഒക്ടോബർ 21: വിജയദശമി, ദുർഗാപൂജ എന്നിവയുടെ ഭാഗമായി ത്രിപുര, കർണാടക, സിക്കിം, അസം, പശ്ചിമ ബംഗാൾ, കേരളത്തിലെ തിരുവനന്തപുരം എന്നിവിടങ്ങളിൽ ബാങ്ക് അവധി.

ഒക്ടോബർ 22, 23: ദുർഗാപൂജ പ്രമാണിച്ച് സിക്കിമിൽ ബാങ്ക് അവധി തുടരും.

ഒക്ടോബർ 26: ലക്ഷ്മി പൂജ, ആക്സഷൻ ഡേ, മഹർഷി വാൽമീകി ജയന്തി എന്നിവയോടനുബന്ധിച്ച് ത്രിപുരയിൽ ബാങ്കുകൾക്ക് അവധി.

ഒക്ടോബർ 29: കർവാ ചൗത്ത് പ്രമാണിച്ച് ചണ്ഡിഗഡ്, ജമ്മു കശ്മീർ, ഹിമാചൽ പ്രദേശ് എന്നിവിടങ്ങളിൽ ബാങ്ക് അവധി.

ഒക്ടോബർ 31: സർദാർ വല്ലഭഭായ് പട്ടേൽ ജയന്തിയോടനുബന്ധിച്ച് ഗുജറാത്തിലും ഹിമാചൽ പ്രദേശിലും ബാങ്കുകൾ പ്രവർത്തിക്കില്ല.

ഡിജിറ്റൽ സേവനങ്ങൾക്ക് തടസമില്ല
ബാങ്ക് ശാഖകൾ അവധിയായ ദിവസങ്ങളിലും ഡിജിറ്റൽ ബാങ്കിങ് സേവനങ്ങൾ സാധാരണ നിലയിൽ തുടരും. എടിഎം, യുപിഐ, ഇന്റർനെറ്റ് ബാങ്കിങ്, മൊബൈൽ ബാങ്കിങ് തുടങ്ങിയ സേവനങ്ങൾ ഉപയോഗിച്ച് ഉപഭോക്താക്കൾക്ക് പണമിടപാടുകൾ നടത്താം. ഫണ്ട് ട്രാൻസ്ഫർ, ബിൽ പേയ്മെന്റ് തുടങ്ങിയ ആവശ്യങ്ങൾക്കും ഡിജിറ്റൽ സംവിധാനങ്ങളെ ആശ്രയിക്കാം.

എന്നാൽ ചെക്ക് ക്ലിയറിങ്, വലിയ പണമിടപാടുകൾ, ബാങ്ക് ശാഖയിൽ നേരിട്ട് എത്തി നടത്തേണ്ട മറ്റ് സേവനങ്ങൾ എന്നിവ ആവശ്യമുള്ളവർ അവധി ദിവസങ്ങൾ മുൻകൂട്ടി കണക്കിലെടുക്കുന്നത് ഉചിതമാണ്. ഇടപാടുകൾ നടത്തുന്നതിന് മുമ്പ് അതത് ബാങ്കിന്റെ പ്രാദേശിക ശാഖാ അവധി പട്ടിക പരിശോധിക്കുന്നതും സഹായകരമാകും.

Story Summary:
Banks will observe multiple holidays across different parts of India in October due to national holidays and regional festivals. The dates vary by state, while digital banking services such as UPI, ATMs, internet banking and mobile banking are generally expected to remain available on branch holidays.