‘ക്രൂരമായ അതിക്രമം’: എഐ ഡിജിറ്റൽ അതിക്രമത്തിനെതിരെ ആഞ്ഞടിച്ച് ജാൻവി കപൂർ | Janhvi Kapoor Deepfake

മുംബൈ: ‘ദേവര: പാർട്ട് 1’ എന്ന ചിത്രത്തിലെ ‘ചുട്ടമല്ലെ’ എന്ന പാട്ടിലെ രംഗങ്ങൾ കൃത്രിമമായി എഐ (AI) സാങ്കേതികവിദ്യ ഉപയോഗിച്ച് അശ്ലീല ദൃശ്യങ്ങളാക്കി മാറ്റിയ സംഭവത്തിൽ കടുത്ത പ്രതിഷേധവുമായി നടി ജാൻവി കപൂർ. സ്ത്രീകളുടെ സമ്മതമില്ലാതെ അവരുടെ ചിത്രങ്ങളും ദൃശ്യങ്ങളും വികൃതമാക്കുന്നത് ക്രൂരമായ ലൈംഗിക അതിക്രമത്തിന് തുല്യമാണെന്ന് ജാൻവി തുറന്നടിച്ചു.(Janhvi Kapoor Deepfake Controversy Reacts To AI Morphed Chuttamalle Video)

“സ്ത്രീകളുടെ അനുമതിയും തിരഞ്ഞെടുപ്പും ശരീരത്തോടുള്ള ആദരവും അടിസ്ഥാനപരമായ മനുഷ്യാവകാശങ്ങളാണ്. എന്നാൽ ഇത് ഇന്നും സങ്കീർണ്ണമായ വിഷയമായി കാണുന്നത് കഷ്ടമാണ്. ഒരു സ്ത്രീ ഏതെങ്കിലും വസ്ത്രം ധരിച്ചു എന്നതുകൊണ്ട് അവളുടെ അനുവാദമില്ലാതെ ക്യാമറ ഉപയോഗിക്കാനോ ദൃശ്യങ്ങൾ പകർത്തി അപമാനിക്കാനോ ആർക്കും അവകാശമില്ല. അതിരുകൾ നിർണ്ണയിക്കാനുള്ള പൂർണ്ണ അവകാശം ആ സ്ത്രീക്ക് മാത്രമാണ്” – ജാൻവി ഇൻസ്റ്റാഗ്രാമിൽ കുറിച്ചു.

സാങ്കേതികവിദ്യയുടെ ഇത്തരം തെറ്റായ ഉപയോഗങ്ങൾക്കെതിരെ പരസ്യമായി രംഗത്തുവന്ന സഹനടൻ ജൂനിയർ എൻടിആറിന് ജാൻവി നന്ദി രേഖപ്പെടുത്തി. ഇതിനൊപ്പം ചിരഞ്ജീവി, വിജയ് ദേവരകൊണ്ട, ഖുശ്ബു സുന്ദർ എന്നിവരും നടിക്കെതിരായ ഡിജിറ്റൽ അധിക്ഷേപത്തെയും എഐ ദുരുപയോഗത്തെയും ശക്തമായി അപലപിച്ചിരുന്നു.

Story Summary

Actress Janhvi Kapoor strongly condemned the criminal misuse of AI to generate explicit deepfake videos from her ‘Devara’ song ‘Chuttamalle’, calling it a severe violation of bodily consent and dignity. Prominent stars including Jr NTR, Chiranjeevi, Vijay Deverakonda, and Khushbu Sundar backed her stance and called for strict legal action against digitally manipulated harassment.