ഇരിപ്പ് നടുവിനെയല്ല, തളർത്തുന്നത് തലച്ചോറിനെയാണ്! നിശബ്ദമായി സംഭവിക്കുന്ന ഈ അപകടം അറിയുക

ഒരിടത്തിരുന്ന് ലോകത്തെവിടെയുള്ള ജോലികളും ചെയ്തുതീർക്കാൻ കഴിയുന്ന ഡിജിറ്റൽ യുഗത്തിലാണ് നമ്മൾ ജീവിക്കുന്നത്. എന്നാൽ, മണിക്കൂറുകളോളം അനങ്ങാതെ ഒരിടത്ത് തന്നെ ഇരിക്കുന്നത് നിങ്ങളുടെ ശാരീരിക ആരോഗ്യം മാത്രമല്ല, തലച്ചോറിന്റെ പ്രവർത്തനത്തെയും സാരമായി ബാധിക്കുമെന്ന് പുതിയ പഠനങ്ങൾ മുന്നറിയിപ്പ് നൽകുന്നു.

ഈ ശീലം തലച്ചോറിൽ വരുത്തുന്ന പ്രധാന മാറ്റങ്ങൾ താഴെ പറയുന്നവയാണ്.

രക്തയോട്ടത്തിലെ കുറവ്

തലച്ചോറിന്റെ ശരിയായ പ്രവർത്തനത്തിന് ഓക്‌സിജനും ഗ്ലൂക്കോസും അത്യാവശ്യമാണ്. ദീർഘനേരം അനങ്ങാതെ ഇരിക്കുന്നത് തലച്ചോറിലേക്കുള്ള രക്തയോട്ടം കുറയ്ക്കുന്നു. ശരീരഭാരത്തിന്റെ വെറും 2 ശതമാനം മാത്രമുള്ള തലച്ചോറാണ് ശരീരത്തിലെ ഓക്‌സിജന്റെ 20 ശതമാനവും ഉപയോഗിക്കുന്നത്. ‘ജേർണൽ ഓഫ് അപ്ലൈഡ് ഫിസിയോളജി’യിലെ പഠനമനുസരിച്ച്, ഇത്തരത്തിലുള്ള ഇരുപ്പ് തലച്ചോറിലേക്കുള്ള രക്തയോട്ടം 15 ശതമാനത്തോളം കുറയ്ക്കും.

ഓർമ്മശക്തിയും ശ്രദ്ധയും കുറയുന്നു

ശരീരം പ്രവർത്തിക്കാതിരിക്കുന്നത് ‘ബ്രെയിൻ ഡിറൈവ്ഡ് ന്യൂറോട്രോഫിക് ഫാക്ടർ’ (BDNF) എന്ന പ്രോട്ടീന്റെ അളവ് കുറയ്ക്കുന്നു. പഠനത്തിനും ഓർമ്മശക്തിക്കും അത്യന്താപേക്ഷിതമായ പ്രോട്ടീനാണിത്. ശ്രദ്ധ കേന്ദ്രീകരിക്കാനുള്ള ബുദ്ധിമുട്ടും അമിതമായ ക്ഷീണവും അനുഭവപ്പെടുന്നത് മടി കൊണ്ടല്ല, മറിച്ച് നിങ്ങളുടെ തലച്ചോറിന് ആവശ്യമായ ഓക്‌സിജൻ ലഭിക്കാത്തത് കൊണ്ടാണെന്ന് മനസ്സിലാക്കുക.

Also Read: മുടി കൊഴിച്ചിൽ പമ്പകടക്കും; ഡയറ്റിൽ ഈ നോൺ-വെജ് വിഭവങ്ങൾ ഉൾപ്പെടുത്തി നോക്കൂ!

മാനസികാരോഗ്യത്തെ ബാധിക്കുന്നു

എട്ട് മണിക്കൂറിൽ കൂടുതൽ ഒരിടത്ത് തന്നെ ഇരിക്കുന്നത് ഉത്കണ്ഠയ്ക്കും മാനസികമായ തളർച്ചയ്ക്കും കാരണമാകും. ഓർമ്മയുടെ കേന്ദ്രങ്ങളുമായി ബന്ധപ്പെട്ട കോശങ്ങളെ ഇത് നിശബ്ദമായി നശിപ്പിച്ചേക്കാം.

എന്താണ് പോംവഴി?

ഇതൊരു ഗുരുതരമായ പ്രശ്നമാണെങ്കിലും ലളിതമായ മാറ്റങ്ങളിലൂടെ പരിഹരിക്കാവുന്നതാണ്. ഓരോ അരമണിക്കൂറിലോ ഒരു മണിക്കൂറിലോ ഇടയ്ക്ക് എഴുന്നേറ്റ് രണ്ട് മിനിറ്റ് നടക്കുന്നത് രക്തയോട്ടം പൂർവ്വസ്ഥിതിയിലാക്കാൻ സഹായിക്കും. ഈ ചെറിയ ചലനം നിങ്ങളുടെ ശ്രദ്ധയും ഓർമ്മശക്തിയും വർദ്ധിപ്പിക്കുകയും ഉന്മേഷം നൽകുകയും ചെയ്യും.

The post ഇരിപ്പ് നടുവിനെയല്ല, തളർത്തുന്നത് തലച്ചോറിനെയാണ്! നിശബ്ദമായി സംഭവിക്കുന്ന ഈ അപകടം അറിയുക appeared first on Express Kerala.