‘നക്സലിസം അവസാനിച്ചതു കൊണ്ട് 5 പതിറ്റാണ്ടിലെ കഷ്ടപ്പാടുകൾ ഇല്ലാതാകുന്നില്ല’: കേന്ദ്ര ആഭ്യന്തരമന്ത്രി അമിത് ഷാ | Amit Shah

ന്യൂഡൽഹി: രാജ്യത്തുനിന്ന് നക്സലിസം പൂർണ്ണമായി തുടച്ചുനീക്കപ്പെട്ടതുകൊണ്ട് മാത്രം അഞ്ച് പതിറ്റാണ്ടുകളായി ജനങ്ങൾ അനുഭവിച്ച ദുരിതങ്ങളും കഷ്ടപ്പാടുകളും ഇല്ലാതാകില്ലെന്ന് കേന്ദ്ര ആഭ്യന്തരമന്ത്രി അമിത് ഷാ. ദശാബ്ദങ്ങളോളം കോൺഗ്രസ് ഭരിച്ച ചത്തീസ്ഗഢിൽ അടിസ്ഥാന സൗകര്യങ്ങൾ പോലും നൽകാൻ കഴിഞ്ഞിരുന്നില്ലെന്നും, ബസ്തറിലെ ആദിവാസി സമൂഹത്തിന്റെ ഉന്നമനത്തിനും നക്സൽ ബാധിതരുടെ പുനരധിവാസത്തിനുമാണ് ബി.ജെ.പി സർക്കാർ മുൻഗണന നൽകുന്നതെന്നും അദ്ദേഹം വ്യക്തമാക്കി.(Amit Shah Says End Of Naxalism Does Not Erase Five Decades Of Suffering)

ഛത്തീസ്ഗഢിലെ നക്സൽ ബാധിതർക്കുള്ള സഹായങ്ങൾ വിതരണം ചെയ്യുന്ന ചടങ്ങിൽ വെർച്വലായി സംസാരിക്കുകയായിരുന്നു അദ്ദേഹം. ഒക്ടോബർ 5 മുതൽ 7 വരെ ജഗദൽപൂരിൽ സംഘടിപ്പിച്ച ഭിന്നശേഷി സഹായ വിതരണ ക്യാമ്പിലൂടെ ബസ്തറിലെ 1,570 പേർ ഉൾപ്പെടെ 3,600-ലധികം ഭിന്നശേഷിക്കാർക്ക് സഹായം ലഭ്യമാക്കിയതായി അമിത് ഷാ അറിയിച്ചു.

Story Summary

Union Home Minister Amit Shah stated that merely ending Naxalism is not enough to erase five decades of suffering endured by tribal communities in regions like Bastar. Addressing a virtual event for Naxal-affected victims in Chhattisgarh, Shah criticized decades of Congress misrule and highlighted the BJP government’s ongoing rehabilitation and disability assistance programmes.