ക്രൂയിസ് കപ്പലിൽനിന്ന് കടലിലേക്ക് ചാടി; 20 മണിക്കൂറിന് ശേഷം യുവതിയെ അത്ഭുതകരമായ രക്ഷപ്പെടുത്തി | Royal Caribbean cruise ship incident
Current: മലയാളം
ഏഥൻസ്: റോയൽ കരീബിയൻ ക്രൂയിസ് കപ്പലിൽ നിന്ന് കടലിലേക്ക് ചാടിയ യുവതിയെ ഏകദേശം 20 മണിക്കൂറിന് ശേഷം ഗ്രീക്ക് തീരത്തിനടുത്തുനിന്ന് രക്ഷപ്പെടുത്തി. സാകിന്തോസ് ദ്വീപിന് സമീപത്തുനിന്നാണ് ഹെല്ലെനിക് കോസ്റ്റ് ഗാർഡ് യുവതിയെ കണ്ടെത്തിയത്. കടലിൽ ഇത്രയും നേരം അതിജീവിച്ച യുവതിയെ രക്ഷപ്പെടുത്തിയ സംഭവം ശ്രദ്ധ നേടുകയാണ്. (Royal Caribbean cruise ship incident)
റോയൽ കരീബിയൻ കമ്പനിയുടെ ‘ഒഡീസി ഓഫ് ദി സീസ്’ എന്ന കപ്പലിൽനിന്നാണ് യുവതി കടലിലേക്ക് ചാടിയത്. യുവതിയെ കാണാനില്ലെന്ന് കപ്പൽ ക്യാപ്റ്റൻ ഗ്രീക്ക് അധികൃതരെ അറിയിക്കുകയായിരുന്നു. കടലിൽ വീണ് ഏകദേശം മൂന്ന് മണിക്കൂറിന് ശേഷമാണ് കോസ്റ്റ് ഗാർഡിന് വിവരം ലഭിച്ചതെന്ന് വക്താവ് തിയോഫാനിസ് ബലാത്സുകാസ് അറിയിച്ചു.
ഏകദേശം 20 മണിക്കൂറോളം കടലിൽ നീന്തിയ യുവതിയെ ലൈഫ് ജാക്കറിന്റെ സഹായത്തോടെ പൊങ്ങിക്കിടക്കുന്ന നിലയിലാണ് കണ്ടെത്തിയത്. കോസ്റ്റ് ഗാർഡ് പുറത്തുവിട്ട ദൃശ്യങ്ങളിൽ രക്ഷാപ്രവർത്തകർ കയർ എറിഞ്ഞ് യുവതിയെ സുരക്ഷിതമായി ബോട്ടിലേക്ക് ഉയർത്തുന്നതു കാണാം.
കപ്പലിൽനിന്ന് താഴെയിറങ്ങാൻ ആഗ്രഹിച്ചതുകൊണ്ടാണ് കടലിലേക്ക് ചാടിയതെന്ന് യുവതി പറഞ്ഞതായി കോസ്റ്റ് ഗാർഡ് വക്താവ് ജോർജ് സാപ്രാസ് അറിയിച്ചു. യുവതിയെ വൈദ്യപരിശോധനയ്ക്ക് വിധേയയാക്കുകയും മാനസികാരോഗ്യ പരിശോധനയ്ക്ക് നിർദേശിക്കുകയും ചെയ്തിട്ടുണ്ട്. സംഭവത്തിൽ തുറമുഖ അധികൃതർ അന്വേഷണം ആരംഭിച്ചു.
Summary: A woman who jumped from Royal Caribbean’s Odyssey of the Seas was rescued near Greece after spending around 20 hours in the sea. The Hellenic Coast Guard located her near Zakynthos, and an investigation into the incident has begun.
