തണുത്ത വെള്ളം അമിതമാകരുതേ…

ഐസ് വെള്ളം അമിതമായാൽ ചില ആരോഗ്യ പ്രശ്‌നങ്ങളുണ്ട്.

 ദഹനപ്രശ്നങ്ങൾ: തണുത്ത വെള്ളം വയറിലെ രക്തക്കുഴലുകളെ ചെറുതാക്കാൻ കാരണമാകുന്നു. ഇത് ദഹനപ്രക്രിയ പതുക്കെയാക്കുകയും ആഹാരം ദഹിക്കാൻ കൂടുതൽ സമയം എടുക്കുകയും ചെയ്യും.

തൊണ്ടവേദനയും ജലദോഷവും: സെൻസിറ്റീവ് ആയ തൊണ്ടയുള്ളവരിൽ പെട്ടെന്നുണ്ടാവുന്ന തണുപ്പ് തൊണ്ടയിൽ അസ്വസ്ഥത ഉണ്ടാക്കുകയും, കഫക്കെട്ട്, തൊണ്ടവേദന, ജലദോഷം എന്നിവയ്ക്ക് കാരണമാവുകയും ചെയ്യും.

 തലവേദന: പെട്ടെന്ന് ഐസ് വെള്ളം കുടിക്കുമ്പോൾ വായയുടെ മേൽക്കൂരയിലെ നാഡികളെ ബാധിച്ച് തലവേദന ഉണ്ടാകാം.

അചലാസിയ: അന്നനാളത്തെ ബാിധിക്കുന്ന അചലാസിയ പോലുള്ള രോഗമുള്ളവർക്ക് തണുത്ത വെള്ളം കുടിക്കുന്നത് ഭക്ഷണം താഴേക്ക് പോകുന്നതിന് ബുദ്ധിമുട്ടും വേദനയും ഉണ്ടാക്കും.

ഹൃദയമിടിപ്പിൽ വ്യത്യാസം: വളരെ തണുത്ത വെള്ളം വാഗസ് നാഡിയെ ഉത്തേജിപ്പിക്കുകയും ഹൃദയമിടിപ്പ് നേരിയ തോതിൽ കുറയാൻ കാരണമാവുകയും ചെയ്യും.