ഫ്രാൻസിൽ രൂക്ഷമായ ജീവിതച്ചെലവ് വർദ്ധനവിനെതിരെ നടന്ന പ്രതിഷേധങ്ങൾക്കിടെ ചരിത്രപ്രസിദ്ധമായ ലിമോഷ് ടൗൺ ഹാൾ തീവെച്ച് നശിപ്പിച്ച് അക്രമികൾ: ലോകമഹായുദ്ധങ്ങളെ അതിജീവിച്ച ഒന്നര നൂറ്റാണ്ട് പഴക്കമുള്ള അപൂർവ്വ പൈതൃക കെട്ടിടം പൂർണ്ണമായും കത്തിനശിച്ചതായി റിപ്പോർട്ട്
Current: മലയാളം
പാരീസ്: ഫ്രാന്‍സില്‍ ജീവിതച്ചെലവ് വര്‍ദ്ധിച്ചതിനെത്തുടര്‍ന്ന് രാജ്യവ്യാപകമായി നടന്ന പ്രതിഷേധത്തിനിടയില്‍ ചരിത്രപ്രസിദ്ധമായ ലിമോഷ് ടൗണ്‍ ഹാള്‍ തീപിടിച്ച് പൂര്‍ണ്ണമായും കത്തിനശിച്ചു.
ലോകമഹായുദ്ധങ്ങളെ അതിജീവിച്ച 1873-ല്‍ നിര്‍മ്മാണം ആരംഭിച്ച് 1883-ല്‍ പ്രവര്‍ത്തനമാരംഭിച്ച പ്രശസ്തമായ പൈതൃക കെട്ടിടമാണ് പോലീസും പ്രതിഷേധക്കാരും തമ്മിലുണ്ടായ ശക്തമായ സംഘര്‍ഷത്തിനിടയില്‍ തകര്‍ന്നടിഞ്ഞത്.
സംഘര്‍ഷത്തിനിടയില്‍ ടൗണ്‍ ഹാളിന് തീപിടിച്ചതിനെത്തുടര്‍ന്ന് കെട്ടിടം ഏതാണ്ട് പൂര്‍ണ്ണമായും നഷ്ടപ്പെട്ടതായി പ്രാദേശിക ഭരണകൂടത്തിന്റെ ഉയര്‍ന്ന ഉദ്യോഗസ്ഥന്‍ വ്യക്തമാക്കി.
ചരിത്രപരമായ പൈതൃകത്തിന് ഏറ്റ കനത്ത ആഘാതത്തെ ഒരു ദുരന്തമെന്ന് വിശേഷിപ്പിച്ച അദ്ദേഹം, ഇത് അക്രമികളുടെ ബോധപൂര്‍വ്വമായ പ്രവൃത്തിയാണെന്നും അപലപിച്ചു.
ടൗണ്‍ ഹാളിന് പുറത്ത് പ്രതിഷേധക്കാര്‍ ഒരു പോലീസ് വാഹനം കത്തിച്ചതിന് ശേഷം കെട്ടിടത്തിന്റെ ചില്ലുകള്‍ തകര്‍ത്ത് അകത്തുകയറി തീയിടുകയായിരുന്നുവെന്ന് ദൃക്‌സാക്ഷികള്‍ പറയുന്നു. ശനിയാഴ്ച വൈകിയ വേളയിലാണ് ഫയര്‍ഫോഴ്‌സ് എത്തി തീയണച്ചത്.
