പ്രായം വെറും അക്കങ്ങൾ മാത്രം! 959 ഗോളുകൾ, ഇനി ലക്ഷ്യം 1000; യുവതാരങ്ങളെപ്പോലും അമ്പരപ്പിക്കുന്ന സി.ആർ.7 മാജിക് തുടരുന്നു

നാൽപ്പതാം വയസ്സിലും യുവതാരങ്ങളെ വിസ്മയിപ്പിക്കുന്ന ശാരീരികക്ഷമതയുമായി ഫുട്ബോൾ ലോകത്തെ അത്ഭുതപ്പെടുത്തുകയാണ് ക്രിസ്റ്റ്യാനോ റൊണാൾഡോ. പ്രായം വെറും അക്കങ്ങൾ മാത്രമാണെന്ന് തെളിയിക്കുന്ന പോർച്ചുഗീസ് ഇതിഹാസത്തിന്റെ പുതിയ ഫിറ്റ്‌നസ് ചിത്രങ്ങൾ സോഷ്യൽ മീഡിയയിൽ വൈറലായതോടെയാണ് അദ്ദേഹത്തിന്റെ ആരോഗ്യരഹസ്യങ്ങൾ വീണ്ടും ചർച്ചയാകുന്നത്. നിലവിൽ 959 ഗോളുകൾ നേടി ചരിത്രത്തിലെ ഏറ്റവും മികച്ച ഗോൾവേട്ടക്കാരനായി തുടരുന്ന റൊണാൾഡോയുടെ ലക്ഷ്യം 1000 ഗോൾ എന്ന നാഴികക്കല്ലാണ്.

പേശീബലവും കുറഞ്ഞ ബോഡി ഫാറ്റും സാധാരണ അത്‌ലറ്റുകളിൽ പ്രായം കൂടുന്തോറും പേശികൾക്ക് ബലക്കുറവ് സംഭവിക്കാറുണ്ടെങ്കിലും റൊണാൾഡോയുടെ കാര്യത്തിൽ നേരെ തിരിച്ചാണ്. അദ്ദേഹത്തിന്റെ ശരീരത്തിലെ കൊഴുപ്പിന്റെ അളവ് വെറും ഏഴ് ശതമാനത്തിൽ താഴെ മാത്രമാണ്. കൃത്യമായ പ്ലാനിംഗോടെയുള്ള വർക്കൗട്ടുകളും ഭക്ഷണക്രമവുമാണ് ഇതിന് പിന്നിൽ.

Also Read: സച്ചിനും രോഹിത്തിനുമായില്ല, കോഹ്‌ലിക്ക് സാധിക്കുമോ? ഇന്ന് പിറക്കാൻ പോകുന്നത് ഇന്ത്യൻ ക്രിക്കറ്റിലെ അപൂർവ്വ റെക്കോർഡ്!

കർശനമായ ഭക്ഷണക്രമം പ്രകൃതിദത്തവും പ്രോട്ടീൻ സമ്പന്നവുമായ ഭക്ഷണങ്ങൾക്കാണ് റൊണാൾഡോ മുൻഗണന നൽകുന്നത്. ഒരു ദിവസം ആറ് തവണയായി ചെറിയ അളവിലാണ് അദ്ദേഹം ഭക്ഷണം കഴിക്കുക. പേശികളുടെ ആരോഗ്യത്തിനായി ചിക്കനും മത്സ്യവും ധാരാളമായി ഭക്ഷണത്തിൽ ഉൾപ്പെടുത്തുന്നു. മൈദ, പഞ്ചസാര, സംസ്കരിച്ച ഭക്ഷണങ്ങൾ, സോഫ്റ്റ് ഡ്രിങ്കുകൾ എന്നിവ അദ്ദേഹം പൂർണ്ണമായും ഒഴിവാക്കി. മദ്യപിക്കില്ലെന്ന ഉറച്ച തീരുമാനവും അദ്ദേഹത്തിന്റെ ആരോഗ്യത്തിന്റെ പ്രധാന ഘടകമാണ്.

പരിശീലനവും വിശ്രമവും

ജിമ്മിലെ കഠിനമായ സ്ട്രെങ്ത് ട്രെയിനിംഗിന് പുറമെ ഓട്ടം, നീന്തൽ, മൊബിലിറ്റി വ്യായാമങ്ങൾ എന്നിവയ്ക്കും അദ്ദേഹം സമയം കണ്ടെത്തുന്നു. വ്യായാമത്തിന് ശേഷം പേശികളുടെ വീക്കം കുറയ്ക്കാനും വേഗത്തിൽ റിക്കവറി നേടാനുമായി പതിവായി ‘ഐസ് ബാത്ത്’ ചെയ്യുന്ന രീതിയും അദ്ദേഹത്തിനുണ്ട്. കഠിനമായ അധ്വാനത്തിനൊപ്പം തന്നെ കൃത്യസമയത്തുള്ള ഉറക്കത്തിനും വിശ്രമത്തിനും റൊണാൾഡോ വലിയ പ്രാധാന്യം നൽകുന്നു. ഒപ്പമുണ്ടായിരുന്ന പല താരങ്ങളും കളി നിർത്തി മടങ്ങിയപ്പോഴും ആയിരം ഗോൾ എന്ന സ്വപ്നത്തിലേക്ക് റൊണാൾഡോയെ നയിക്കുന്നത് ഈ അച്ചടക്കമുള്ള ജീവിതശൈലിയാണ്.

The post പ്രായം വെറും അക്കങ്ങൾ മാത്രം! 959 ഗോളുകൾ, ഇനി ലക്ഷ്യം 1000; യുവതാരങ്ങളെപ്പോലും അമ്പരപ്പിക്കുന്ന സി.ആർ.7 മാജിക് തുടരുന്നു appeared first on Express Kerala.