മറ്റത്തൂർ പഞ്ചായത്ത് കേരളോത്സവത്തിന് ഇന്ന് കൊടിയിറങ്ങും; സമാപന സമ്മേളനവും സമ്മാനദാനവും കോടാലിയിൽ

• കലാമത്സരങ്ങൾ രാവിലെ മുതൽ കോടാലി ജി.എൽ.പി. സ്കൂളിൽ
• വൈകീട്ട് സമാപന സമ്മേളനവും വിവിധ കലാപരിപാടികളും

മറ്റത്തൂർ: ആവേശകരമായ പോരാട്ടങ്ങൾക്ക് വേദിയായ മറ്റത്തൂർ ഗ്രാമപഞ്ചായത്ത് കേരളോത്സവത്തിന് ഇന്ന് സമാപനമാകും. സമാപന ദിനമായ ഇന്ന് രാവിലെ മുതൽ കോടാലി ഗവൺമെന്റ് ലോവർ പ്രൈമറി (ജി.എൽ.പി.) സ്കൂളിൽ വെച്ച് വിവിധ കലാമത്സരങ്ങൾ അരങ്ങേറും.

കലാ-കായിക-ഗെയിംസ് മത്സരങ്ങളിലെ വിജയികൾക്കുള്ള സമ്മാനദാനം വൈകുന്നേരം കോടാലി ജി.എൽ.പി. സ്കൂൾ ഹാളിൽ നടക്കുന്ന വിപുലമായ സമാപന സമ്മേളനത്തിൽ വെച്ച് വിതരണം ചെയ്യും. സമാപന സമ്മേളനത്തിന് ശേഷം ശ്രീജ സുഭീഷ് അവതരിപ്പിക്കുന്ന നൃത്തപരിപാടിയും തുടർന്ന് ശ്രുതിമധുരമായ കരോക്കെ ഗാനമേളയും അരങ്ങേറും.