ഇരിങ്ങാലക്കുട : മുകുന്ദപുരം താലൂക്ക് എൻ.എസ്.എസ്. യൂണിയൻ്റെ ആഭിമുഖ്യത്തിൽ പ്രതിഭാ സംഗമവും തദ്ദേശസ്വയംഭരണ സ്ഥാപനങ്ങളിലേക്ക് വിജയിച്ച സമുദായ അംഗങ്ങൾക്കുള്ള അനുമോദനവും സംഘടിപ്പിച്ചു.
ഇരിങ്ങാലക്കുട സംഗമേശ്വര ഹാളിൽ നടന്ന യോഗത്തിൽ യൂണിയൻ കമ്മിറ്റി അംഗം വിജയൻ ചിറ്റേത്ത് അധ്യക്ഷത വഹിച്ചു.
താലൂക്ക് യൂണിയൻ ചെയർമാൻ അഡ്വ. ഡി. ശങ്കരൻകുട്ടി ഉദ്ഘാടനം ചെയ്തു.
തദ്ദേശ സ്ഥാപനങ്ങളിലേക്ക് വിജയിച്ച അംഗങ്ങളെ അഡ്വ. ഡി. ശങ്കരൻകുട്ടി അനുമോദിച്ചു.
വിവിധ മേഖലകളിൽ വ്യക്തിമുദ്ര പതിപ്പിച്ച വരെയും യോഗത്തിൽ അനുമോദിച്ചു.
എൻ.എസ്.എസ്. ഹെഡ് ഓഫീസ് വിദ്യാഭ്യാസ ധനസഹായം, യൂണിയൻ വിദ്യഭ്യാസ ധനസഹായം, വിവിധ വ്യക്തികൾ ഏർപ്പെടുത്തിയ എൻ്റോവ്മെൻ്റുകൾ എന്നിവ വിതരണം ചെയ്തു.
രാമയണപാരായണ മത്സരങ്ങളിൽ വിജയിച്ചവരെയും, അത്തപ്പൂക്കള മത്സരത്തിൽ വിജയിച്ചവരെയും യോഗത്തിൽ അനുമോദിച്ചു.
യൂണിയൻ കമ്മറ്റി അംഗങ്ങളായ പി.ആർ. അജിത് കുമാർ, എ.ജി. മണികണ്ഠൻ, രവീന്ദ്രൻ കണ്ണൂർ, സുനിൽ കെ. മേനോൻ, എൻ. ഗോവിന്ദൻകുട്ടി, വനിതാ യൂണിയൻ പ്രസിഡൻ്റ് ജയശ്രീ അജയ്, കമ്മിറ്റി അംഗങ്ങളായ ശ്രീദേവി മേനോൻ, രമാദേവി, പ്രതിനിധി സഭാഗം സി.ബി. രാജൻ എന്നിവർ പ്രസംഗിച്ചു.
യൂണിയൻ സെക്രട്ടറി എസ്. കൃഷ്ണകുമാർ സ്വാഗതവും കമ്മിറ്റി അംഗം കെ. രാജഗോപാൽ നന്ദിയും പറഞ്ഞു.
