‘വിട്ടുവീഴ്ച ചെയ്ത പ്രധാനമന്ത്രിക്ക് ഈ മേശയ്ക്ക് മുന്നിലിരിക്കാനാവില്ല’: ട്രംപ്-ഷി-പുടിൻ കൂടിക്കാഴ്ചയിൽ മോദിക്കെതിരെ രാഹുൽ ഗാന്ധി | Rahul Gandhi

ന്യൂഡൽഹി: കോൺഗ്രസാണ് അധികാരത്തിലുണ്ടായിരുന്നതെങ്കിൽ അമേരിക്കൻ പ്രസിഡന്റ് ഡൊണാൾഡ് ട്രംപ്, ചൈനീസ് പ്രസിഡന്റ് ഷി ജിൻപിംഗ്, റഷ്യൻ പ്രസിഡന്റ് വ്ലാഡിമിർ പുടിൻ എന്നിവർക്കൊപ്പം ഇന്ത്യൻ പ്രധാനമന്ത്രിയും ആ ചർച്ചാ മേശയിൽ ഉണ്ടാകുമായിരുന്നുവെന്ന് കോൺഗ്രസ് നേതാവ് രാഹുൽ ഗാന്ധി. വിട്ടുവീഴ്ചകൾക്ക് വഴങ്ങിയ ഒരു പ്രധാനമന്ത്രിക്ക് ഒരിക്കലും അത്തരമൊരു ചർച്ചയിൽ പങ്കെടുക്കാൻ കഴിയില്ലെന്ന് അദ്ദേഹം പ്രധാനമന്ത്രി നരേന്ദ്ര മോദിയെ ലക്ഷ്യമിട്ട് വിമർശിച്ചു.(Rahul Gandhi Slams PM Modi Over Trump Xi Putin Summit Says Compromised PM Cannot Sit at Table)
ട്രംപ്, ഷി ജിൻപിംഗ്, പുടിൻ എന്നിവർ പങ്കെടുത്ത അപൂർവ ത്രികക്ഷി കൂടിക്കാഴ്ചയുടെ ചിത്രം എക്സിൽ പങ്കുവെച്ചുകൊണ്ടായിരുന്നു രാഹുൽ ഗാന്ധിയുടെ പ്രതികരണം. “കോൺഗ്രസായിരുന്നു അധികാരത്തിലെങ്കിൽ ഇന്ത്യയുടെ പ്രധാനമന്ത്രി ഈ മേശയ്ക്ക് മുന്നിൽ ഇരിക്കുമായിരുന്നു. വിട്ടുവീഴ്ച ചെയ്ത പ്രധാനമന്ത്രിക്ക് ഒരിക്കലും ഈ മേശയിൽ ഇരിക്കാൻ കഴിയില്ല,” രാഹുൽ ഗാന്ധി കുറിച്ചു.
ചൈനയിലെ ടെക് ഹബ്ബായ ഷെൻഷെനിൽ ട്രംപ്, ഷി ജിൻപിംഗ്, പുടിൻ എന്നിവർ നടത്തിയ ചരിത്രപ്രധാനമായ കൂടിക്കാഴ്ചയ്ക്ക് പിന്നാലെയാണ് രാഹുൽ ഗാന്ധിയുടെ വിമർശനം. ഐക്യരാഷ്ട്രസഭയിലെ പരിഷ്കാരങ്ങൾ തേടാനും, എണ്ണ വിതരണം വർധിപ്പിക്കാനും, ആണവ അപകടസാധ്യതകൾ കുറയ്ക്കാൻ ചർച്ചകൾ നടത്താനും വ്യാഴാഴ്ച നടന്ന ത്രികക്ഷി യോഗത്തിൽ അമേരിക്കയും ചൈനയും റഷ്യയും ധാരണയിലെത്തിയിരുന്നു.
Story Summary
Congress leader Rahul Gandhi took a sharp dig at Prime Minister Narendra Modi, stating that a “compromised PM” could never sit at the negotiating table alongside US President Donald Trump, Chinese President Xi Jinping, and Russian President Vladimir Putin. Sharing a photo from the rare trilateral summit in Shenzhen, China, Gandhi asserted that India’s Prime Minister would have been part of the talks had the Congress been in power. The remarks follow a joint understanding among the US, China, and Russia on UN reforms, oil supplies, and reducing nuclear risks.




