Skip to content
November 20, 2026
⌕

ആഗോള രാഷ്ട്രീയത്തിൽ ഇന്ത്യ ‘സൈഡ് പ്ലെയർ’ മാത്രമെന്ന് രാഹുൽ ഗാന്ധി: ‘പാകിസ്ഥാൻ ഫാൻബോയ്’ എന്ന് തിരിച്ചടിച്ച് ബിജെപി | Rahul Gandhi

November 20, 2026
Share this post to
Rahul Gandhi

ന്യൂഡൽഹി: ആഗോള ഭൗമരാഷ്ട്രീയത്തിൽ ഇന്ത്യ കേവലം ഒരു ‘സൈഡ് പ്ലെയർ’ മാത്രമായി മാറിയെന്ന് പ്രതിപക്ഷ നേതാവ് രാഹുൽ ഗാന്ധി. അമേരിക്കയും ഇറാനും പോലുള്ള വൻശക്തികളുമായി പാകിസ്ഥാൻ നയതന്ത്ര ചർച്ചകൾ നടത്തുമ്പോൾ ഇന്ത്യയ്ക്ക് അന്താരാഷ്ട്ര വിഷയങ്ങളിൽ സ്വതന്ത്രമായി നിലപാടെടുക്കാനുള്ള ശേഷി നഷ്ടമായെന്നും അദ്ദേഹം ആരോപിച്ചു. രാഹുലിന്റെ ഈ പ്രസ്താവന ബിജെപിയും കോൺഗ്രസും തമ്മിൽ പുതിയ രാഷ്ട്രീയ ഏറ്റുമുട്ടലിന് തിരികൊളുത്തിയിരിക്കുകയാണ്.(Rahul Gandhi Calls India Side Player in Geopolitics BJP Hits Back With Pak Fan Boy Jab)

അമേരിക്കയിലെ ഷിക്കാഗോ സർവ്വകലാശാലയിൽ സംസാരിക്കവെയാണ് രാഹുൽ ഗാന്ധി വിമർശനം ഉന്നയിച്ചത്. തന്ത്രപരമായ പങ്കാളിത്തങ്ങൾക്കൊപ്പം സ്വതന്ത്രമായ കാഴ്ചപ്പാടുകളും പുലർത്തിയിരുന്ന പാരമ്പര്യമാണ് ഇന്ത്യയ്ക്കുള്ളതെന്നും, എന്നാൽ ഇപ്പോൾ ആഗോള ചർച്ചകളിൽ നിന്ന് ഇന്ത്യ മാറ്റിനിർത്തപ്പെടുകയാണെന്നും അദ്ദേഹം പറഞ്ഞു. “ഇന്ത്യയ്ക്ക് എപ്പോഴും ആഴത്തിലുള്ള ഭൗമരാഷ്ട്രീയ ധാരണയുണ്ടായിരുന്നു. വലിപ്പം കൊണ്ട് തന്നെ ഇന്ത്യയ്ക്ക് ആഗോള തലത്തിൽ ശബ്ദമുണ്ട്. എന്നാൽ പാകിസ്ഥാൻ ഇറാനുമായും അമേരിക്കയുമായും ചർച്ചകൾ നടത്തുമ്പോൾ ഇന്ത്യ നോക്കിനിൽക്കുകയാണെന്നത് ഞെട്ടിപ്പിക്കുന്നതാണ്,” രാഹുൽ പറഞ്ഞു.

ലോകനേതാക്കൾ തമ്മിലുള്ള വ്യക്തിബന്ധങ്ങളാണോ വിദേശനയത്തിന്റെ അടിസ്ഥാനമെന്നും അദ്ദേഹം ചോദിച്ചു. “അവൻ എന്റെ സുഹൃത്താണെന്ന് മോദി എപ്പോഴും പറയും. എന്നാൽ ഭൗമരാഷ്ട്രീയം അങ്ങനെയല്ല പ്രവർത്തിക്കുന്നത്. സൗഹൃദം കൊണ്ട് എന്താണ് കാര്യം?” രാഹുൽ പരിഹസിച്ചു.

എന്നാൽ വിദേശ മണ്ണിലിരുന്ന് ഇന്ത്യയുടെ അന്താരാഷ്ട്ര പ്രതിച്ഛായ തകർക്കാനാണ് രാഹുൽ ശ്രമിക്കുന്നതെന്ന് ബിജെപി രൂക്ഷമായി തിരിച്ചടിച്ചു. രാഹുലിന്റെ പ്രസ്താവന അപലപനീയവും ക്ഷമിക്കാനാവാത്തതുമാണെന്ന് ബിജെപി വക്താവ് സി.ആർ. കേശവൻ പറഞ്ഞു. “രാഹുൽ ഗാന്ധി ഒരു പാകിസ്ഥാൻ ചിയർലീഡറെയും പ്രചാരകനെയും പോലെയാണ് സംസാരിക്കുന്നത്. ആഗോള രാഷ്ട്രീയത്തെക്കുറിച്ച് അദ്ദേഹത്തിന് യാതൊരു ധാരണയുമില്ലെന്ന് ഇത് തെളിയിക്കുന്നു,” കേശവൻ കുറ്റപ്പെടുത്തി. പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ഇന്ത്യ ആഗോള തലത്തിൽ സമവായമുണ്ടാക്കുന്ന ശക്തിയായി വളർന്നത് കോൺഗ്രസ് നേതൃത്വത്തിന് സഹിക്കാൻ കഴിയുന്നില്ലെന്നും അദ്ദേഹം കൂട്ടിച്ചേർത്തു.

രാഹുലിന് പാകിസ്ഥാനോട് എന്താണ് ഇത്ര ആരാധനയെന്നും ആഗോള വേദികളിൽ അദ്ദേഹം ‘പാകിസ്ഥാൻ ഫാൻബോയ്’ ആയി പെരുമാറുകയാണെന്നും പ്രദീപ് ഭണ്ഡാരി ആരോപിച്ചു. റഷ്യ-ഉക്രെയ്ൻ വിഷയത്തിലും ഹോർമുസ് കടലിടുക്കിലെ വിഷയത്തിലും ലോകം അംഗീകരിച്ചത് ഇന്ത്യയുടെ നയതന്ത്ര മികവിനെയാണെന്നും, 26/11 ഭീകരാക്രമണത്തിന് ശേഷം പാകിസ്ഥാനെതിരെ നടപടിയെടുക്കാത്ത യുപിഎ സർക്കാരിന്റെ ചരിത്രമാണ് രാഹുൽ ഓർക്കേണ്ടതെന്നും ഭണ്ഡാരി വ്യക്തമാക്കി.

അതേസമയം, പാകിസ്ഥാൻ അതിർത്തി കടന്നുള്ള ഭീകരതയ്ക്ക് പിന്തുണ നൽകുന്നത് അവസാനിപ്പിക്കാതെ ഉഭയകക്ഷി ചർച്ചകൾ സാധ്യമല്ലെന്നും രാഹുൽ ഗാന്ധി വ്യക്തമാക്കി. നിരപരാധികളായ ജനങ്ങൾ കൊല്ലപ്പെടുമ്പോൾ പാകിസ്ഥാനുമായി ചർച്ച നടത്താനാവില്ലെന്നും ഭീകരത അവസാനിച്ചാൽ മാത്രമേ സംഭാഷണങ്ങൾക്ക് സാധ്യതയുള്ളൂവെന്നും അദ്ദേഹം പറഞ്ഞു. ഇസ്രായേലുമായുള്ള ബന്ധത്തെക്കുറിച്ച് സംസാരിക്കവെ, പ്രതിരോധ സഹകരണമടക്കം നല്ല ബന്ധം തുടരണമെങ്കിലും, 150 കോടി ജനങ്ങളുള്ള ഇന്ത്യയുടെ വിദേശനയം മറ്റുള്ളവർക്ക് ഗുണകരമാകുന്നതല്ലാതെ സ്വന്തം താൽപ്പര്യങ്ങൾക്ക് അനുസരിച്ചായിരിക്കണമെന്നും രാഹുൽ കൂട്ടിച്ചേർത്തു. ഒക്ടോബറിലെ ആക്രമണങ്ങളെ അപലപിച്ച അദ്ദേഹം, ഗാസയിലെ ഇസ്രായേൽ നടപടികളെയും വിമർശിച്ചു.

Story Summary

Leader of the Opposition Rahul Gandhi sparked a political row with the BJP after calling India a “side player” in global geopolitics during an address at the University of Chicago, questioning why India is sidelined while Pakistan negotiates with the US and Iran and mocking Prime Minister Modi’s emphasis on personal ties with world leaders. BJP spokespersons CR Kesavan and Pradeep Bhandari hit back harshly, calling Gandhi a “Pak fan boy” and accusing him of defaming India abroad while ignoring India’s global diplomatic standing.

Get more updates from Pudukad News on Google