പുന്നയൂർക്കുളം : പ്രവൃത്തിപരിചയ പരിശീലനത്തിന്റെ ഭാഗമായി കടലാസുപയോഗിച്ച് പരിസ്ഥിതി സൗഹൃദ പേപ്പർ കവറുകൾ നിർമ്മിച്ച് സ്കൂൾ ഓഫീസിലേക്ക് വിദ്യാർത്ഥികൾ കൈമാറി. ചെറായി ഗവൺമെന്റ് യു.പി.സ്കൂളിലെ ആറാം ക്ലാസ് വിദ്യാർത്ഥികളാണ് പേപ്പർ കവറുകൾ നിർമ്മിക്കാൻ പരിശീലിച്ചത്. പേപ്പർ, പശ, കത്രിക, എന്നിവ ഉപയോഗിച്ചാണ് പേപ്പർ കവറുകൾ നിർമ്മിച്ചത്. അധ്യാപിക പി.എ. ശോഭാലക്ഷ്മി പരിശീലന പരിപാടിക്ക് നേതൃത്വം നൽകി. സീനിയർ അസിസ്റ്റന്റ് മീന പോൾ അധ്യക്ഷത വഹിച്ചു. പ്രധാനാധ്യാപകൻ കെ.എൽ. മനോഹിത് കവറുകൾ ഏറ്റുവാങ്ങി.
