ഇരിങ്ങാലക്കുട : കൊരുമ്പിശ്ശേരി റെസിഡൻ്റ്സ് അസോസിയേഷൻ്റെ വാർഷിക – പുതുവത്സരാഘോഷം 25ന് വൈകീട്ട് 6.30ന് വിന്നേഴ്സ് ക്ലബ്ബിന് സമീപം വിവിധ കലാപരിപാടികളോടെ സംഘടിപ്പിക്കും.
പൊതുസമ്മേളനം നഗരസഭ ചെയർമാൻ എം.പി. ജാക്സൺ ഉദ്ഘാടനം ചെയ്യും.
സിനിമാനടനും പ്രശസ്ത നാടൻപാട്ട് കലാകാരനുമായ രാജേഷ് തംബുരു മുഖ്യാതിഥിയാകും.
റസിഡൻ്റ്സ് അസോസിയേഷൻ പ്രസിഡൻ്റ് രാജീവ് മുല്ലപ്പിള്ളി അധ്യക്ഷത വഹിക്കും.
തുടർന്ന് കുടുംബാംഗങ്ങൾ അവതരിപ്പിക്കുന്ന വിവിധ കലാപരിപാടികളും കെ.എൽ. 64 മ്യൂസിക് അവതരിപ്പിക്കുന്ന ഗാനമേളയും അരങ്ങേറും.
ആഘോഷത്തോടനുബന്ധിച്ച് അസോസിയേഷന്റെ ആഭിമുഖ്യത്തിൽ 26ന് വൈകീട്ട് 5 മണിക്ക് മീനാവില്ലയിൽ വെച്ച് “സി പി ആർ പ്രഥമ ശുശ്രൂഷ” എന്ന വിഷയത്തെ കുറിച്ച് ക്യാമ്പും സംഘടിപ്പിക്കുന്നുണ്ട്.
