ഇരിങ്ങാലക്കുട :
ക്രൈസ്റ്റ് കോളെജിലെ ബാച്ചിലർ ഓഫ് ഫിസിക്കൽ എഡ്യൂക്കേഷൻ വിഭാഗത്തിന്റെ ആഭിമുഖ്യത്തിൽ അന്താരാഷ്ട്ര കായികശാസ്ത്ര സമ്മേളനം സംഘടിപ്പിച്ചു.
വിവിധ സ്ഥാപനങ്ങളിൽ നിന്നായി 250ലധികം പ്രതിനിധികൾ സമ്മേളനത്തിൽ പങ്കെടുത്തു.
സമ്മേളനം ക്രൈസ്റ്റ് കോളെജ് മാനേജർ റവ. ഫാ. ജോയ് പണിക്കപ്പറമ്പിൽ ഉദ്ഘാടനം ചെയ്തു.
പ്രിൻസിപ്പൽ റവ. ഫാ. ഡോ. ജോളി ആൻഡ്രൂസ് അധ്യക്ഷത വഹിച്ചു.
പ്രശസ്ത കായിക മനഃശാസ്ത്രജ്ഞനായ ഡോ. അനിൽ രാമചന്ദ്രൻ ഉൾപ്പെടെ നിരവധി പ്രമുഖർ ചടങ്ങിൽ സന്നിഹിതരായിരുന്നു.
സമ്മേളനത്തിൽ 60ലധികം ഗവേഷണ പ്രബന്ധങ്ങളുടെ അവതരണം നടന്നു. ഇതിൽ ശ്രീലങ്കയിൽ നിന്നുള്ള ഏഴ് അന്താരാഷ്ട്ര പ്രതിനിധികളുടെ പ്രബന്ധങ്ങളും ഉൾപ്പെട്ടിരുന്നു.
കായികശാസ്ത്ര രംഗത്തെ സമഗ്ര സമീപനങ്ങളും നവീന ഗവേഷണ പ്രവണതകളും സമ്മേളനത്തിൽ ചർച്ചയായി.
