ഇരിങ്ങാലക്കുട : വെട്ടുകുന്നത്തുകാവ് ഗ്രൂപ്പ് ദേവസ്വം വക ഞാറൻകുളങ്ങര മഹാവിഷ്ണു ക്ഷേത്രത്തിൽ പ്രതിഷ്ഠാദിനം ആചരിച്ചു.
ധ്യേയശ്രീ സത്സംഗസമിതിയുടെ ഔപചാരികമായ ഉദ്ഘാടനം ഇൻ്ററിം ട്രസ്റ്റി അനിൽഭാനു വിക്രമൻ നിർവ്വഹിച്ചു.
വെട്ടുകുന്നത്തുകാവിലെ സരസ്വതീമണ്ഡപം ഗ്രന്ഥശേഖരത്തിലേക്ക് പ്രവാസിയായ നാട്ടിക കുട്ടശ്ശംവീട്ടിൽ ശങ്കരനാരായണൻ അശോകൻ സംഭാവന ചെയ്ത ഭക്തിവേദാന്തസ്വാമികളുടെ വ്യാഖ്യാനസഹിതമുള്ള ഭാഗവത സമാഹാരങ്ങൾ ധ്യേയശ്രീ അംഗങ്ങൾക്ക് അദ്ദേഹം വിതരണം ചെയ്തു.
പാരമ്പര്യ ട്രസ്റ്റി കെ.എൻ. ഉണ്ണികൃഷ്ണൻ നമ്പൂതിരിപ്പാട് അധ്യക്ഷത വഹിച്ചു.
പെരുവനം സതീശൻ മാരാർ, ടി.കെ. രവീന്ദ്രനാഥ്, ടി.വി. ഇന്ദിരാദേവി എന്നിവർ പ്രസംഗിച്ചു.
