ഇരിങ്ങാലക്കുട : ഇരിങ്ങാലക്കുട എംഎൽഎ ആർ. ബിന്ദുവിൻ്റെയും എൽഡിഎഫിൻ്റെയും വികസന വിരുദ്ധ നയങ്ങൾക്കെതിരെ എൻഡിഎ ഇരിങ്ങാലക്കുട നിയോജക മണ്ഡലം കമ്മറ്റി ജനകീയ പ്രതിഷേധ ധർണ്ണ സംഘടിപ്പിച്ചു.
കെ.എസ്.ആർ.ടി.സി. ബസ് സ്റ്റാൻഡ് സബ് ഡിപ്പോയായി ഉയർത്തുക, സിഐ ഓഫീസ്, സബ് ജയിൽ ഭൂമി ദേവസ്വത്തിന് വിട്ടു കൊടുക്കുക, കേന്ദ്രാവിഷ്കൃത പദ്ധതികൾ പ്രോട്ടോക്കോൾ ലംഘിച്ച് ഉദ്ഘാടന മാമാങ്കം നടത്തുന്നത് അവസാനിപ്പിക്കുക എന്നീ ആവശ്യങ്ങൾ ഉന്നയിച്ചുകൊണ്ട് ഇരിങ്ങാലക്കുടയിൽ നടത്തിയ പ്രതിഷേധ ധർണ്ണ ഒബിസി മോർച്ച സംസ്ഥാന ജനറൽ സെക്രട്ടറി ഭഗീഷ് പൂരാടൻ ഉദ്ഘാടനം ചെയ്തു.
സമഗ്ര വികസിത ഇരിങ്ങാലക്കുടയാണ് എൻഡിഎയുടെ ലക്ഷ്യമെന്ന് അദ്ദേഹം പറഞ്ഞു.
ഇരിങ്ങാലക്കുട മണ്ഡലം പ്രസിഡൻ്റ് ആർച്ച അനീഷ് അധ്യക്ഷത വഹിച്ചു.
കേന്ദ്രത്തിലും കേരളത്തിലും വികസനത്തിൻ്റെ ഡബിൾ എഞ്ചിൻ സർക്കാരിനായി എൻഡിഎയെ വിജയിപ്പിക്കണമെന്ന് ബിജെപി ജില്ലാ ജനറൽ സെക്രട്ടറി കൃപേഷ് ചെമ്മണ്ട ആമുഖ പ്രസംഗത്തിൽ സൂചിപ്പിച്ചു.
ബിഡിജെഎസ് നിയോജക മണ്ഡലം പ്രസിഡൻ്റ് എ.ആർ. ജയചന്ദ്രൻ, സംസ്ഥാന സമിതിയംഗം സന്തോഷ് ചെറാക്കുളം, ജില്ലാ ഭാരവാഹികളായ ലോചനൻ അമ്പാട്ട്, അഖിലാഷ് വിശ്വനാഥൻ, ആളൂർ മണ്ഡലം പ്രസിഡൻ്റ് പി.എസ്. സുബീഷ്, മണ്ഡലം വൈസ് പ്രസിഡൻ്റ് രമേഷ് അയ്യർ എന്നിവർ പ്രസംഗിച്ചു.
നേതാക്കളായ കവിത ബിജു, അജീഷ് പൈക്കാട്ട്, അഡ്വ. സുബീഷ്, ഷൈജു കുറ്റിക്കാട്ട്, വി.സി. രമേഷ്, സിന്ധു സതീഷ്, സന്തോഷ് മുരിയാട് എന്നിവർ നേതൃത്വം നൽകി.