ഇരിങ്ങാലക്കുട : “പാർപ്പിട രഹിതരില്ലാത്ത പഞ്ചായത്ത്” എന്ന ലക്ഷ്യത്തിനും കാർഷിക വികസനത്തിനും റോഡുകളുടെ നവീകരണത്തിനും കുടിവെള്ള പദ്ധതികൾക്കും ആരോഗ്യ മേഖലയ്ക്കും വിദ്യാഭ്യാസ മേഖലയ്ക്കും മൃഗസംരക്ഷണത്തിനും ശുചിത്വ പദ്ധതികൾക്കും തുടങ്ങി സമഗ്ര മേഖലകൾക്കും ഊന്നൽ നൽകിക്കൊണ്ടുള്ള 2026 -27ലെ ബഡ്ജറ്റ് വിഭാവന ചെയ്ത് മുരിയാട് പഞ്ചായത്ത് ഭരണ സമിതി.
പ്രാദേശിക സ്വയംഭരണ സംവിധാനത്തിന്റെ ലക്ഷ്യങ്ങൾ നിറവേറ്റുന്നതിനായി ഗ്രാമത്തിന്റെ സാമ്പത്തിക സാമൂഹിക വിദ്യാഭ്യാസ ആരോഗ്യ മേഖലകളിൽ സംതുലിതവും സുസ്ഥിരവുമായ വളർച്ച ഉറപ്പാക്കുന്ന തരത്തിലാണ് പ്രസിഡന്റ് സരള വിക്രമന്റെ നേതൃത്വത്തിലുള്ള ഭരണസമിതി ബജറ്റ് തയ്യാറാക്കിയിരിക്കുന്നത്.
വൈസ് പ്രസിഡന്റ് സുമിത പ്രസാദ് ബജറ്റ് അവതരിപ്പിച്ചു.
1,28,45,629 രൂപ പ്രാരംഭബാക്കിയും, 37,12,98,550 രൂപ വരവും, 34,70,06,660 രൂപ ചെലവും, 3,71,42,519 രൂപ നീക്കിയിരിപ്പും വരുന്ന ബഡ്ജറ്റ് ആണ് വിഭാവനം ചെയ്യുന്നത്.
