ഇരിങ്ങാലക്കുടയിൽ പ്രേംജി നഗർ റോഡിന്റെയും പള്ളിക്കാട് വെസ്റ്റ് ബൈ ലൈൻ റോഡിന്റെയും നിർമ്മാണ പ്രവർത്തികൾക്ക് തുടക്കമായി

ഇരിങ്ങാലക്കുട : നഗരസഭ 34-ാം വാർഡിൽ ഇരിങ്ങാലക്കുട എം.എൽ.എ.യുടെ ആസ്തി വികസന ഫണ്ടിൽ നിന്നും തുക വിനിയോഗിച്ച് നിർമ്മിക്കുന്ന പ്രേംജി നഗർ റോഡും പള്ളിക്കാട് വെസ്റ്റ് ബൈ ലൈൻ റോഡും ഉൾപ്പെടെയുള്ള റോഡുകളുടെ നിർമ്മാണ പ്രവർത്തികൾക്ക് തുടക്കമായി.

മന്ത്രി ഡോ. ആർ. ബിന്ദു നിർമ്മാണോദ്ഘാടനം നിർവ്വഹിച്ചു.

മന്ത്രി ഡോ. ആർ. ബിന്ദുവിന്റെ നിയോജകമണ്ഡലം ആസ്തി വികസന ഫണ്ടിൽ നിന്നും പ്രേംജി നഗർ റോഡിന് 10 ലക്ഷം രൂപയും പള്ളിക്കാട് വെസ്റ്റ് ബൈ ലൈൻ റോഡിന് 12 ലക്ഷം രൂപയും അനുവദിച്ചാണ് നിർമാണ പ്രവർത്തികൾ ആരംഭിച്ചിരിക്കുന്നത്.

പള്ളിക്കാട് സെന്ററിൽ നടന്ന ചടങ്ങിൽ നഗരസഭ കൗൺസിലർ പി.വി. ശിവകുമാർ അധ്യക്ഷത വഹിച്ചു.

വാർഡ് കൗൺസിലർ വി.എസ്. അശ്വതി, കൗൺസിലർമാരായ ലേഖ ഷാജൻ, നന്ദുലാൽ, സി.സി. ഷിബിൻ, വിമി വിജീഷ്, സിന്ധു ഗിരീഷ്കുമാർ, ഓവർസിയർ രചന, വിവിധ രാഷ്ട്രീയ പാർട്ടി പ്രതിനിധികൾ, ഉദ്യോഗസ്ഥർ എന്നിവർ പങ്കെടുത്തു.