പ്രചരണം ശക്തമാക്കി എൻഡിഎ സ്ഥാനാർത്ഥി സന്തോഷ് ചെറാക്കുളം

ഇരിങ്ങാലക്കുട : പ്രചരണം ശക്തമാക്കി ഇരിങ്ങാലക്കുട നിയോജകമണ്ഡലം എൻഡിഎ സ്ഥാനാർത്ഥി കഴിഞ്ഞ ദിവസം പര്യടനം ആരംഭിച്ചത് സെൻ്റ് ജോസഫ് കോളെജിൽ വോട്ട് അഭ്യർത്ഥിച്ചുകൊണ്ടാണ്.

തുടർന്ന് ഇരിങ്ങാലക്കുട പുത്തൻവെട്ടുവഴിയിൽ സെൻ്റ് തോമസ് പള്ളിയുടെ കീഴിലുള്ള അമ്മമാരുടെ ശാന്തിസദനത്തിലും ഷണ്മുഖം കനാൽ കോളനി, സെൻ്റ് ജോസഫ്സ് കന്യാസ്ത്രീ മഠം, കെപിഎൽ വെളിച്ചെണ്ണ കമ്പനി, അക്കര ടെക്സ്റ്റൈൽസ്, സേവാഭാരതി വാനപ്രസ്ഥാശ്രമം എന്നിവിടങ്ങളിലും സന്ദർശനം നടത്തി.

ബിജെപി സൗത്ത് ജില്ലാ സെക്രട്ടറി അജീഷ് പൈക്കാട്ട്, മഹിളാ മോർച്ച ജില്ല വൈസ് പ്രസിഡന്റ്‌ റീജ സന്തോഷ്‌, ന്യൂനപക്ഷ മോർച്ച മണ്ഡലം പ്രസിഡന്റ്‌ സിക്സൺ മാളക്കാരൻ, മഹിളാ മോർച്ച ജില്ല സമിതി അംഗം സിന്ധു സോമൻ എന്നിവർ സ്ഥാനാർത്ഥിക്കൊപ്പം ഉണ്ടായിരുന്നു.