മൂർക്കനാട് ശിവക്ഷേത്രത്തിലെ തിരുവുത്സവത്തിന് കൊടികയറി

ഇരിങ്ങാലക്കുട : ഈ വർഷത്തെ മൂർക്കനാട് ശിവക്ഷേത്രത്തിലെ തിരുവത്സവത്തിന് ബ്രഹ്മശ്രീ വട്ടപറമ്പ് മന ജയറാം നമ്പൂതിരിയുടെ മുഖ്യ കാർമ്മികത്വത്തിൽ കൊടികയറി.

ഏപ്രിൽ 4 മുതൽ രാവിലെയും വൈകീട്ടും രണ്ട് ആനപ്പുറത്ത് നിത്യ ശീവേലി, വിളക്ക് മേളം, പാഠകം, തായമ്പക, കലാപരിപാടികൾ, ഗാനമേള, നാടകം, 8ന് ചെമ്മണ്ടയ്ക്ക് എഴുന്നെള്ളിപ്പ്, അന്നേ ദിവസം ചേരാനല്ലൂർ ശങ്കരൻകുട്ടി മാരാരുടെ നേതൃത്വത്തിൽ വിളക്കിന് വിശേഷാൽ മേളം, 9ന് രാവിലെ തന്ത്രി ഇല്ലത്തേക്ക് എഴുന്നെള്ളിപ്പ്, ഉച്ചതിരിഞ്ഞ് വള്ളി കാഞ്ഞിരം വലത്തിടലിനുള്ള പുറപ്പാട്, 10ന് ഉച്ചതിരിഞ്ഞ് നാല് ഗജവീരൻമാരുടെ അകമ്പടിയോടെയും മേജർ സെറ്റ് പഞ്ചവാദ്യത്തോടെയും കൂടിയുള്ള ആറാട്ടെഴുന്നെള്ളിപ്പ്,
സന്ധ്യക്ക് കരുവന്നൂർ പുഴയിൽ ആറാട്ട്, തുടർന്ന് തിരിച്ചെഴുന്നെള്ളിപ്പ്, ആറാട്ട് വിളക്ക് മേളം, കൊടിക്കൽപറ, കൊടിയിറക്കൽ എന്നിവയാണ് പരിപാടികൾ.