മാള മെറ്റ്സ് കോളെജിൽ ലോക സോഷ്യൽ മീഡിയ ദിനാഘോഷം സംഘടിപ്പിച്ചു

ഇരിങ്ങാലക്കുട : മാള മെറ്റ്സ് കോളെജ് ഓഫ് അഡ്വാൻസ്ഡ് സ്റ്റഡീസിലെ ഐ.ടി. ക്ലബിന്റെ നേതൃത്വത്തിൽ ലോക സോഷ്യൽ മീഡിയ ദിനം ആഘോഷിച്ചു.

‘സോഷ്യൽ മീഡിയ ഫോർ പോസിറ്റീവ് ചേഞ്ച്’ എന്ന വിഷയത്തിൽ സോഷ്യൽ മീഡിയ ബാനർ ഡിസൈൻ മത്സരം സംഘടിപ്പിച്ചു.

സോഷ്യൽ മീഡിയയെ സമൂഹത്തിലെ നല്ല മാറ്റങ്ങൾക്കായി എങ്ങനെ ഉപയോഗിക്കാമെന്ന് ബാനറിലൂടെ അവതരിപ്പിക്കാനാണ് വിദ്യാർഥികളോട് ആവശ്യപ്പെട്ടിരുന്നത്.

45 മിനിറ്റ് ദൈർഘ്യമുള്ള മത്സരത്തിൽ വിവിധ ക്ലാസുകളിൽ നിന്നുള്ള വിദ്യാർഥികൾ രണ്ട് അംഗ സംഘങ്ങളായി പങ്കെടുത്തു.

ബാനറിൻ്റെ മതിപ്പ്, സർഗാത്മകത, ഒറിജിനാലിറ്റി എന്നിവ അടിസ്ഥാനമാക്കിയായിരുന്നു മൂല്യനിർണ്ണയം.

പ്രൊഫ. പി.എസ്. നീതു, പ്രൊഫ. അമിത എന്നിവർ ജഡ്ജിമാരായി പ്രവർത്തിച്ചു.

മത്സരത്തിൽ ബിസിഎ മൂന്നാം സെമസ്റ്റർ വിദ്യാർഥി വി.ആർ. അനന്തകൃഷ്ണ ഒന്നാം സ്ഥാനവും, ബിസിഎ അഞ്ചാം സെമസ്റ്റർ വിദ്യാർഥികളായ എം.എസ്. സൂരജ്, ഐ.എൽ. ഹരികൃഷ്ണൻ എന്നിവർ രണ്ടാം സ്ഥാനവും, ബിസിഎ മൂന്നാം സെമസ്റ്റർ വിദ്യാർഥി അഭിനന്ദ്, അഞ്ചാം സെമസ്റ്റർ വിദ്യാർഥി മിഷേൽ എന്നിവർ മൂന്നാം സ്ഥാനവും കരസ്ഥമാക്കി.

വിദ്യാർഥി കോർഡിനേറ്റർ ഐ.എൽ. ഹരികൃഷ്ണന്റെ നേതൃത്വത്തിലാണ് മത്സരം നടന്നത്.

സോഷ്യൽ മീഡിയയെ സമൂഹനന്മയ്ക്കായി ഉപയോഗിക്കാനുള്ള വിദ്യാർഥികളുടെ ആശയങ്ങൾ ഏറെ പ്രശംസനീയമായിരുന്നുവെന്ന് ജഡ്ജിമാർ അഭിപ്രായപ്പെട്ടു.

വിജയികളെയും പങ്കെടുത്ത എല്ലാവരേയും കോളെജ് പ്രിൻസിപ്പൽ ഡോ. പ്രൊഫ. ഫോൺസി ഫ്രാൻസിസ് അഭിനന്ദിച്ചു.