ദോശയും ചമ്മന്തിയും പിന്നെ ഒരു ‘കുട്ടി’ വടയും; പ്രഭാതഭക്ഷണം ഗംഭീരമാക്കാം!

ഞായറാഴ്ച ഒഴിവുദിവസമായതിനാൽ അടുക്കളയിൽ അല്പം സമയം കൂടുതൽ ചെലവഴിക്കാൻ നമുക്ക് സാധിക്കും. പതിവ് ദോശയ്ക്കും കട്ടി തേങ്ങാച്ചമ്മന്തിക്കുമൊപ്പം കുട്ടികൾക്കായി ഒരു സർപ്രൈസ് വിഭവമായി മൊരിഞ്ഞ ഉഴുന്നുവട കൂടി തയാറാക്കിയാൽ പ്രഭാതഭക്ഷണം ശരിക്കും ഒരു ആഘോഷമായി മാറും. ചൂടുദോശയും എരിവുള്ള ചമ്മന്തിയും കൂട്ടി കഴിക്കുമ്പോൾ ഇടയ്ക്ക് കറുമുറെ കടിക്കാൻ ഒരു വട കൂടി കിട്ടുന്നത് ആരുടെയും നാവിലൂറുന്ന രുചിയനുഭവമായിരിക്കും.

ചേരുവകള്‍

ഉഴുന്ന് പരിപ്പ് – കാല്‍ കിലോ
ഇഞ്ചി ചെറുതായിട്ട് അരിഞ്ഞത് – ഒരു ടേബിള്‍ സ്പൂണ്‍
ചെറിയ ഉള്ളി അരിഞ്ഞത്- 8 എണ്ണം
പച്ചമുളക് – ആവശ്യത്തിന്
കറിവേപ്പില അരിഞ്ഞത്- ആവശ്യത്തിന്
കുരുമുളക് ചതച്ചത് – ഒരു ടീസ്പൂണ്‍
ഉപ്പ് – ആവശ്യത്തിന്
എണ്ണ- ആവശ്യത്തിന്

തയ്യാറാക്കുന്ന വിധം

അഞ്ച് മണിക്കൂര്‍ വെള്ളത്തില്‍ കുതിര്‍ത്തു വച്ച ഉഴുന്ന് കഴുകി വൃത്തിയാക്കിയതിനു ശേഷം അധികം വെള്ളം ചേര്‍ക്കാതെ അരച്ചെടുക്കുക. ശേഷം ഇഞ്ചി, പച്ചമുളക്, ചെറിയുള്ളി, കുരുമുളക്, കറിവേപ്പില എന്നിവ ചേര്‍ത്ത് നന്നായി യോജിപ്പിച്ചു വയ്ക്കുക. ഈ കൂട്ട് അര ദിവസം വച്ചാല്‍ അത് പുളിച്ചു പൊങ്ങും. ശേഷം ഇത് ഒന്ന് കൂടി കുഴച്ചു വടയുടെ രൂപത്തില്‍ കയ്യിലെടുത്തു പരത്തണം. പരത്തിയതിന്‍റെ നടുവില്‍ ദ്വാരം ഉണ്ടാക്കി ചീനച്ചട്ടിയില്‍ എണ്ണ ഒഴിച്ച് നന്നായി ചൂടായാല്‍ അതിലിട്ട് വറുത്ത് കോരാം.

The post ദോശയും ചമ്മന്തിയും പിന്നെ ഒരു ‘കുട്ടി’ വടയും; പ്രഭാതഭക്ഷണം ഗംഭീരമാക്കാം! appeared first on Express Kerala.