മലയാളത്തിന്റെ പ്രിയ താരം ജയറാമും മകൻ കാളിദാസ് ജയറാമും 23 വർഷങ്ങൾക്ക് ശേഷം വെള്ളിത്തിരയിൽ ഒന്നിച്ച ‘ആശകൾ ആയിരം’ തിയേറ്ററുകളിൽ വൻ കുതിപ്പ് തുടരുന്നു. കുടുംബപ്രേക്ഷകരും യുവാക്കളും ഒരുപോലെ ഏറ്റെടുത്ത ചിത്രം വിജയകരമായ രണ്ടാം വാരത്തിലേക്ക് പ്രവേശിച്ചിരിക്കുകയാണ്. റിലീസ് ചെയ്ത് വെറും ആറ് ദിവസങ്ങൾ പിന്നിടുമ്പോൾ ചിത്രം ലോകമെമ്പാടുനിന്നുമായി 10 കോടി ഗ്രോസ് കളക്ഷൻ എന്ന നാഴികക്കല്ലിലേക്ക് അടുക്കുകയാണ്. അച്ഛൻ-മകൻ കോമ്പോയുടെ സ്ക്രീൻ പ്രസൻസിനൊപ്പം ഷറഫുദ്ദീൻ, ആശ ശരത്, ഇഷാനി കൃഷ്ണ എന്നിവരുടെ മികച്ച പ്രകടനങ്ങളും ചിത്രത്തിന് വലിയ മൈലേജ് നൽകുന്നു.
‘ഒരു വടക്കൻ സെൽഫി’ക്ക് ശേഷം ജി. പ്രജിത് സംവിധാനം ചെയ്ത ഈ ചിത്രം ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനും കൃഷ്ണമൂർത്തിയും ചേർന്നാണ് നിർമ്മിച്ചിരിക്കുന്നത്. പ്രശസ്ത സംവിധായകൻ ജൂഡ് ആന്റണി ജോസഫ് ക്രിയേറ്റീവ് ഡയറക്ടറായും രചയിതാവായും ഈ ചിത്രത്തിന്റെ ഭാഗമായിട്ടുണ്ട്. രമേശ് പിഷാരടി, കുഞ്ചൻ, ഷാജു ശ്രീധർ, റാഫി തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. സ്വരൂപ് ഫിലിപ്പിന്റെ ഛായാഗ്രഹണവും സനൽ ദേവിന്റെ സംഗീതവും ചിത്രത്തിന് കൂടുതൽ മിഴിവേകുന്നു.
The post ബോക്സ് ഓഫീസിൽ തരംഗമായി ജയറാം-കാളിദാസ് ചിത്രം ‘ആശകൾ ആയിരം’; ആറ് ദിവസത്തെ കളക്ഷൻ പുറത്ത്! appeared first on Express Kerala.