കെ.ബി. ഗണേഷ് കുമാർ എം.എൽ.എ. തന്റെ മണ്ഡലത്തിലെ സാധാരണക്കാരുടെ ചെറിയ ആഗ്രഹങ്ങൾ പോലും ഹൃദയപൂർവ്വം നിറവേറ്റുന്ന ശൈലി വീണ്ടും ആവർത്തിക്കുന്നു. പത്തനാപുരം എലിക്കാട്ടൂരിലെ നാല് സെന്റ് ഉന്നതി വികസന പദ്ധതിയുമായി ബന്ധപ്പെട്ട ചർച്ചകൾക്കായി എത്തിയപ്പോഴാണ്, നടക്കാൻ ബുദ്ധിമുട്ടുന്ന ഒരു വയോധിക തന്റെ സങ്കടം എം.എൽ.എയോട് പങ്കുവെച്ചത്. തനിക്കൊരു വീൽചെയർ സംഘടിപ്പിച്ചു നൽകാൻ കഴിയുമോ എന്ന അമ്മയുടെ നിഷ്കളങ്കമായ ചോദ്യത്തിന്, “അമ്മ വിഷമിക്കേണ്ട, ഞാൻ തന്നെ ഇത് വാങ്ങി നൽകാം” എന്ന് അദ്ദേഹം അന്നേരം തന്നെ ഉറപ്പുനൽകുകയായിരുന്നു.
വാക്കുപാലിച്ചുകൊണ്ട് കഴിഞ്ഞ ദിവസം നേരിട്ടെത്തിയാണ് എം.എൽ.എ. ആ വയോധികയ്ക്ക് വീൽചെയർ കൈമാറിയത്. ആ അമ്മയുടെ ആഗ്രഹം സാധിച്ചു കൊടുത്തതിലുള്ള സന്തോഷം അദ്ദേഹം തന്റെ ഫേസ്ബുക്ക് കുറിപ്പിലൂടെ പങ്കുവെക്കുകയും ചെയ്തു. ജനപ്രതിനിധി എന്നതിലുപരി ജനങ്ങൾക്കിടയിലേക്ക് ഇറങ്ങിച്ചെന്ന് അവരുടെ വ്യക്തിപരമായ പ്രയാസങ്ങളിൽ തണലാകാൻ ശ്രമിക്കുന്ന ഗണേഷ് കുമാറിന്റെ ഈ പ്രവൃത്തി എലിക്കാട്ടൂർ നിവാസികൾക്കിടയിൽ വലിയ പ്രശംസ പിടിച്ചുപറ്റിയിട്ടുണ്ട്.
The post “അമ്മ വിഷമിക്കേണ്ട, ഞാൻ വാങ്ങിത്തരാം”; വയോധികയുടെ ആഗ്രഹം നിറവേറ്റി കെ.ബി. ഗണേഷ് കുമാർ appeared first on Express Kerala.