ടി20 ലോകകപ്പിൽ സിംബാബ്വേയോട് ഞെട്ടിക്കുന്ന തോൽവി വഴങ്ങി സൂപ്പർ എട്ട് സാധ്യതകൾ തുലാസിലായ ഓസ്ട്രേലിയക്ക് കരുത്തായി സൂപ്പർ താരം സ്റ്റീവ് സ്മിത്ത് മടങ്ങിയെത്തുന്നു. പരിക്കേറ്റ പേസർ ജോഷ് ഹേസൽവുഡിന് പകരക്കാരനായാണ് സ്മിത്തിനെ ടീമിൽ ഉൾപ്പെടുത്തിയത്. സ്മിത്തിന്റെ മടങ്ങിവരവ് തകർച്ച നേരിടുന്ന ഓസീസ് ബാറ്റിംഗ് നിരയ്ക്ക് വലിയ ആശ്വാസമാകുമെന്നാണ് പ്രതീക്ഷ.
2025–26 ബിഗ് ബാഷ് ലീഗിൽ സിഡ്നി സിക്സേഴ്സിനായി നടത്തിയ തകർപ്പൻ പ്രകടനമാണ് സ്മിത്തിന് വീണ്ടും ദേശീയ ടീമിലേക്കുള്ള വഴിതുറന്നത്. സീസണിലെ 6 മത്സരങ്ങളിൽ നിന്ന് ഒരു സെഞ്ച്വറിയും രണ്ട് അർദ്ധ സെഞ്ച്വറികളുമടക്കം 299 റൺസാണ് താരം അടിച്ചുകൂട്ടിയത്. 167.97 എന്ന മികച്ച സ്ട്രൈക്ക് റേറ്റും സ്മിത്തിന്റെ ഫോമിന് അടിവരയിടുന്നു. 2024 ഫെബ്രുവരിയിൽ ന്യൂസിലാൻഡിനെതിരെയാണ് സ്മിത്ത് അവസാനമായി അന്താരാഷ്ട്ര ടി20 കളിച്ചത്.
Also Read:‘ഒന്നുകിൽ പുറത്താക്കണം, അല്ലെങ്കിൽ മാറി നിൽക്കണം’: ബാബർ അസമിനും സംഘത്തിനുമെതിരെ ഷാഹിദ് അഫ്രീദി
നിലവിൽ രണ്ട് മത്സരങ്ങളിൽ നിന്ന് രണ്ട് പോയിന്റ് മാത്രമുള്ള ഓസ്ട്രേലിയക്ക് ഇന്ന് ശ്രീലങ്കയ്ക്കെതിരെ നടക്കുന്ന മത്സരം നിർണ്ണായകമാണ്. ഈ പോരാട്ടത്തിൽ വിജയിച്ചാൽ മാത്രമേ ഓസീസിന് സെമി പ്രതീക്ഷകൾ സജീവമായി നിലനിർത്താൻ സാധിക്കൂ. 67 അന്താരാഷ്ട്ര ടി20 മത്സരങ്ങളിൽ നിന്നായി 1,094 റൺസ് നേടിയിട്ടുള്ള സ്മിത്തിന്റെ അനുഭവം ടീമിന് വലിയ മുതൽക്കൂട്ടാകും.
The post ഓസീസിന്റെ രക്ഷകനായി സ്മിത്ത് മടങ്ങിയെത്തുന്നു! ലോകകപ്പിൽ വമ്പൻ ട്വിസ്റ്റ്, ഹേസൽവുഡ് പുറത്ത് appeared first on Express Kerala.