ഇറ്റാലിയൻ ഇരുചക്ര വാഹന നിർമ്മാതാക്കളായ വെസ്പയുടെ ഏറ്റവും പുതിയ മോഡലായ ‘ഒഫീസിന 8’ ഇന്ത്യൻ വിപണിയിലെത്തി. ഇറ്റലിയിലെ പിയാജിയോയുടെ പോണ്ടെഡെറ പ്ലാന്റിലെ ചരിത്രപ്രസിദ്ധമായ വർക്ക്ഷോപ്പിന് ആദരമർപ്പിച്ചാണ് ഈ സ്പെഷ്യൽ സീരീസ് അവതരിപ്പിച്ചിരിക്കുന്നത്. 125 സിസി, 150 സിസി എന്നിങ്ങനെ രണ്ട് എഞ്ചിൻ ഓപ്ഷനുകളിൽ ലഭ്യമാകുന്ന ഈ സ്കൂട്ടറിന് 1.34 ലക്ഷം രൂപ മുതലാണ് എക്സ്-ഷോറൂം വില ആരംഭിക്കുന്നത്.
ഡിസൈനിലെ പ്രത്യേകതകളാണ് ഈ മോഡലിനെ വേറിട്ടുനിർത്തുന്നത്. ‘ബ്ലൂ ഒഫീസിന 8’ എന്ന പ്രത്യേക മാറ്റ് മെറ്റാലിക് ഷേഡിലാണ് സ്റ്റീൽ മോണോകോക്ക് ബോഡി വരുന്നത്. ബ്രാസ്, അലുമിനിയം ടോണുകളിലുള്ള മെറ്റാലിക് റിവറ്റുകളും ആക്സന്റുകളും വാഹനത്തിന് കൂടുതൽ പ്രീമിയം ലുക്ക് നൽകുന്നുണ്ട്. കൂടാതെ, ഈ തീമിന് അനുയോജ്യമായ പ്രത്യേക ആക്സസറികളും വെസ്പ ഇതിനൊപ്പം വിപണിയിൽ എത്തിച്ചിട്ടുണ്ട്.
Also Read: സ്ലിപ്പർ ധരിച്ച് കാർ ഓടിച്ചാൽ പിഴ കിട്ടുമോ? നിയമം പറയുന്നത് ഇങ്ങനെ!
മെക്കാനിക്കൽ ഫീച്ചറുകളിൽ മാറ്റമില്ലാതെയാണ് പുതിയ പതിപ്പ് എത്തുന്നത്. 125 സിസി എഞ്ചിൻ 9.3 bhp കരുത്തും 10.1 Nm ടോർക്കും നൽകുമ്പോൾ, 150 സിസി എഞ്ചിൻ 11.4 bhp കരുത്തും 11.66 Nm ടോർക്കും ഉത്പാദിപ്പിക്കും. രണ്ട് മോഡലുകളിലും സിവിടി ഓട്ടോമാറ്റിക് ട്രാൻസ്മിഷനാണ് നൽകിയിരിക്കുന്നത്. വെസ്പയുടെ പാരമ്പര്യവും ആധുനിക സ്റ്റൈലും ഒത്തുചേരുന്ന ഒരു മോഡലായിരിക്കും ഇത്.
The post വെസ്പയുടെ പുത്തൻ സ്റ്റൈൽ; ഒഫീസിന 8 സ്പെഷ്യൽ സീരീസ് ഇന്ത്യയിലെത്തി appeared first on Express Kerala.