പുണ്യമാസമായ റമദാനിൽ നിയമലംഘനങ്ങൾ തടയാൻ കർശന നടപടികളുമായി കുവൈത്ത് ആഭ്യന്തര മന്ത്രാലയം. റമദാൻ മാസത്തിന്റെ ആത്മീയത ചൂഷണം ചെയ്ത് വ്യാപാര കേന്ദ്രങ്ങളിലും പള്ളികൾക്ക് സമീപവും ഭിക്ഷാടനം നടത്തുന്നവർക്കെതിരെ ശക്തമായ നിരീക്ഷണം ഏർപ്പെടുത്തിയിട്ടുണ്ട്. ഇതിനായി പ്രത്യേക സുരക്ഷാ സംഘങ്ങളെ രാജ്യത്തുടനീളം വിന്യസിച്ചു. കുടുംബ വിസയിലോ സന്ദർശന വിസയിലോ എത്തി ഭിക്ഷാടനത്തിൽ ഏർപ്പെടുന്ന പ്രവാസികളെ കണ്ടെത്തിയാൽ അവരെയും അവരുടെ സ്പോൺസർമാരെയും ഉടനടി നാടുകടത്തുമെന്നും അധികൃതർ മുന്നറിയിപ്പ് നൽകി.
വ്രതമാസത്തിൽ പൊതുവിടങ്ങളിൽ പരസ്യമായി ഭക്ഷണം കഴിക്കുന്നവർക്കെതിരെയും കർശന നിയമനടപടികൾ ഉണ്ടാകും. ഇത്തരത്തിൽ പിടിക്കപ്പെടുന്നവർക്ക് ഒരു മാസം വരെ തടവോ അല്ലെങ്കിൽ 100 കുവൈത്ത് ദിനാർ വരെ പിഴയോ ശിക്ഷയായി ലഭിക്കാം. സ്വദേശികളും വിദേശികളും ഒരുപോലെ റമദാൻ മാസത്തിലെ നിയമങ്ങൾ പാലിക്കണമെന്നും രാജ്യത്തിന്റെ നിയമവ്യവസ്ഥയെ ബഹുമാനിക്കണമെന്നും ആഭ്യന്തര മന്ത്രാലയം ഔദ്യോഗിക വാർത്താക്കുറിപ്പിലൂടെ അറിയിച്ചു.
The post റമദാൻ നിയമലംഘനം! കർശന നടപടിയുമായി കുവൈത്ത് appeared first on Express Kerala.