വടക്കുപടിഞ്ഞാറൻ ഇന്ത്യയിൽ വരും ദിവസങ്ങളിൽ ചൂട് ക്രമാതീതമായി ഉയരുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. മാർച്ചിൽ ആരംഭിക്കുന്ന പ്രീ-മൺസൂൺ കാലത്തിന് മുന്നോടിയായി പകൽ താപനിലയിൽ 4 ഡിഗ്രി സെൽഷ്യസ് വരെയും രാത്രിയിൽ 3 ഡിഗ്രി വരെയും വർദ്ധനവുണ്ടാകാൻ സാധ്യതയുണ്ട്. മധ്യ ഇന്ത്യയിലും അടുത്ത മൂന്ന് ദിവസത്തിനുള്ളിൽ ചൂട് വർദ്ധിക്കുമെന്നാണ് പ്രവചനം. രാജ്യത്തുടനീളം ഇത്തവണ മഴയിൽ വലിയ കുറവാണ് രേഖപ്പെടുത്തിയിരിക്കുന്നത്. ജനുവരി മുതൽ ഫെബ്രുവരി പകുതി വരെയുള്ള കണക്കനുസരിച്ച് രാജ്യത്ത് പെയ്യേണ്ട മഴയിൽ 56 ശതമാനത്തിന്റെ കുറവുണ്ടായിട്ടുണ്ട്.
രാജ്യത്തിന്റെ ഭൂരിഭാഗം പ്രദേശങ്ങളിലും ചൂട് കടുക്കുമ്പോഴും കേരളത്തിനും തെക്കൻ തമിഴ്നാടിനും ആശ്വാസമായി കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. തെക്കൻ ഉപദ്വീപിൽ മഴയുടെ ലഭ്യതയിൽ 30 ശതമാനത്തോളം കുറവ് വന്നിട്ടുണ്ടെങ്കിലും വരും ദിവസങ്ങളിലെ മഴ ഈ കുറവ് പരിഹരിക്കാൻ സഹായിക്കുമെന്നാണ് പ്രതീക്ഷ. വടക്കുപടിഞ്ഞാറൻ സംസ്ഥാനങ്ങളിൽ താപനില ഉയരുന്നത് ജനജീവിതത്തെ ബാധിക്കാനിടയുള്ളതിനാൽ ജാഗ്രത പാലിക്കാനും നിർദ്ദേശമുണ്ട്.
The post വടക്കുപടിഞ്ഞാറൻ ഇന്ത്യയിൽ വരും ദിവസങ്ങളിൽ താപനില ഉയരുമെന്ന് ഐഎംഡി! appeared first on Express Kerala.