ടി20 ലോകകപ്പിലെ ഗ്രൂപ്പ് ഡി പോരാട്ടത്തിൽ കാനഡയെ 95 റൺസിന് തകർത്ത് അഫ്ഗാനിസ്ഥാൻ കരുത്തറിയിച്ചു. ആദ്യം ബാറ്റ് ചെയ്ത അഫ്ഗാനിസ്ഥാൻ നിശ്ചിത 20 ഓവറിൽ നാല് വിക്കറ്റ് നഷ്ടത്തിൽ 200 റൺസെന്ന കൂറ്റൻ സ്കോറാണ് പടുത്തുയർത്തിയത്. മറുപടി ബാറ്റിങ്ങിനിറങ്ങിയ കാനഡയ്ക്ക് അഫ്ഗാൻ ബൗളിംഗ് നിരയ്ക്ക് മുന്നിൽ പിടിച്ചുനിൽക്കാനായില്ല. എട്ട് വിക്കറ്റ് നഷ്ടത്തിൽ വെറും 118 റൺസ് മാത്രമാണ് അവർക്ക് നേടാനായത്. മുഹമ്മദ് നബിയുടെ തകർപ്പൻ സ്പെല്ലും അഫ്ഗാൻ വിജയത്തിൽ നിർണ്ണായകമായി.
ബാറ്റിങ്ങിൽ ഓപ്പണർ ഇബ്രാഹീം സദ്രാന്റെ തകർപ്പൻ പ്രകടനമാണ് അഫ്ഗാനിസ്ഥാന് കരുത്തായത്. വെറും 56 പന്തിൽ നിന്ന് 7 ഫോറും 5 സിക്സറുമടക്കം പുറത്താകാതെ 95 റൺസ് നേടിയ സദ്രാൻ സെഞ്ച്വറിക്കരികെയെത്തിയാണ് ഇന്നിംഗ്സ് അവസാനിപ്പിച്ചത്. റഹ്മാനുള്ള ഗുർബാസും (30), സദീഖുല്ലാഹും (44) മികച്ച പിന്തുണ നൽകി. കാനഡയ്ക്കായി ജസ്കാരൻ സിംഗ് മൂന്ന് വിക്കറ്റുകൾ വീഴ്ത്തിയെങ്കിലും മറ്റ് ബൗളർമാർ പരാജയപ്പെട്ടു. മറുപടി ഇന്നിംഗ്സിൽ മുഹമ്മദ് നബി നാല് വിക്കറ്റുകൾ വീഴ്ത്തി കാനഡയുടെ നട്ടെല്ലൊടിച്ചു.
The post കാനഡയെ തകർത്ത് അഫ്ഗാൻ! ഇബ്രാഹീം സദ്രാന്റെ വെടിക്കെട്ടിൽ 95 റൺസിന്റെ വൻ വിജയം appeared first on Express Kerala.