അബുദാബി: യുഎഇയിൽ വരും ദിവസങ്ങളിൽ പൊതുവെ തെളിഞ്ഞ അന്തരീക്ഷമായിരിക്കുമെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. ആകാശം മിക്കവാറും തെളിഞ്ഞുനിൽക്കുമെങ്കിലും ഇടയ്ക്കിടെ ഭാഗികമായി മേഘാവൃതമാകാൻ സാധ്യതയുണ്ട്. രാത്രികാലങ്ങളിലും പുലർച്ചെയും അന്തരീക്ഷത്തിൽ ഈർപ്പം വർധിക്കുമെന്നും അധികൃതർ വ്യക്തമാക്കി.
അന്തരീക്ഷ ഈർപ്പത്തിന്റെ അളവ് 90 ശതമാനം വരെ ഉയർന്നേക്കാമെന്നതിനാൽ തീരദേശ മേഖലകളിലും ഉൾനാടൻ പ്രദേശങ്ങളിലും മൂടൽമഞ്ഞിന് സാധ്യതയുണ്ട്. ഇതിന്റെ ഫലമായി പുലർച്ചെ സമയങ്ങളിൽ ദൂരക്കാഴ്ച കുറയാൻ ഇടയുള്ളതിനാൽ വാഹനയാത്രക്കാർ ജാഗ്രത പാലിക്കണമെന്ന് നിർദ്ദേശമുണ്ട്. പ്രത്യേകിച്ച് താഴ്ന്ന പ്രദേശങ്ങളിൽ മൂടൽമഞ്ഞ് ശക്തമാകാൻ സാധ്യതയുണ്ട്.
Also Read: മയക്കുമരുന്ന് കടത്ത്! കുവൈറ്റിൽ പ്രമുഖ വനിതയ്ക്കും ഭർത്താവിനും തടവുശിക്ഷ
കാറ്റിന്റെ വേഗത പൊതുവെ കുറഞ്ഞ നിലയിലായിരിക്കും. വടക്കുകിഴക്ക് ദിശയിൽ നിന്ന് വടക്കുപടിഞ്ഞാറൻ ദിശയിലേക്ക് വീശുന്ന കാറ്റിന്റെ പരമാവധി വേഗത മണിക്കൂറിൽ 30 കിലോമീറ്റർ വരെയായിരിക്കും. കടൽ പൊതുവെ ശാന്തമായിരിക്കുമെന്നാണ് വിലയിരുത്തൽ. പേർഷ്യൻ ഗൾഫിലും ഒമാൻ കടലിലും തിരമാലകൾ നേരിയതോ മിതമായതോ ആയ തോതിൽ മാത്രമായിരിക്കും അനുഭവപ്പെടുക.
The post യുഎഇയിൽ വരും ദിവസങ്ങളിൽ തെളിഞ്ഞ കാലാവസ്ഥ; പുലർച്ചെ മൂടൽമഞ്ഞിന് സാധ്യതയെന്ന് മുന്നറിയിപ്പ് appeared first on Express Kerala.