തിരുവനന്തപുരത്ത് പോലീസ് നടത്തിയ വ്യാപകമായ മിന്നൽ പരിശോധനയിൽ കുപ്രസിദ്ധ ഗുണ്ടകളും പിടികിട്ടാപ്പുള്ളികളും ഉൾപ്പെടെ 82 പേർ പിടിയിലായി. കൊലപാതകം, പീഡനം തുടങ്ങി ഗുരുതരമായ ക്രിമിനൽ കേസുകളിൽ പ്രതികളായ ഓംപ്രകാശ്, പൊക്കം ഷാജഹാൻ, എയർപോർട്ട് ഡാനി തുടങ്ങിയ പ്രമുഖ ഗുണ്ടകളും പിടിയിലായവരിലുണ്ട്. വരാനിരിക്കുന്ന തിരഞ്ഞെടുപ്പും ഉത്സവ സീസണും കണക്കിലെടുത്ത് നഗരത്തിലെ ക്രമസമാധാനം ഉറപ്പാക്കുന്നതിന്റെ ഭാഗമായാണ് പോലീസ് ഈ ശക്തമായ നടപടി സ്വീകരിച്ചത്.
സിറ്റി പോലീസ് കമ്മീഷണർ കാർത്തിക് കെ. ഐപിഎസിന്റെ നേരിട്ടുള്ള മേൽനോട്ടത്തിലാണ് തലസ്ഥാനത്തെ വിവിധ ഭാഗങ്ങളിൽ പരിശോധന നടന്നത്. പേരൂർക്കട, വട്ടിയൂർക്കാവ്, തുമ്പ, കഴക്കൂട്ടം എന്നീ സ്റ്റേഷൻ പരിധികളിലും റെയിൽവേ സ്റ്റേഷൻ, ബസ് സ്റ്റാൻഡ്, കോളനികൾ എന്നിവിടങ്ങളിലും നിരീക്ഷണം ശക്തമാക്കിയിട്ടുണ്ട്. വരും ദിവസങ്ങളിലും പരിശോധന തുടരുമെന്നും സാമൂഹിക വിരുദ്ധർക്കെതിരെ കർശന നടപടി സ്വീകരിക്കുമെന്നും പോലീസ് അറിയിച്ചു.
The post തലസ്ഥാനത്ത് പോലീസിന്റെ മിന്നൽ വേട്ട; ഓംപ്രകാശ് അടക്കം 82 ഗുണ്ടകൾ വലയിലായി appeared first on Express Kerala.