ഡൽഹി: ആഗോള ചിപ്പ് നിർമ്മാണ ഭീമനായ ക്വാൽകോം ടെക്നോളജീസും ടാറ്റ ഇലക്ട്രോണിക്സും ചരിത്രപരമായ നിർമ്മാണ പങ്കാളിത്തം പ്രഖ്യാപിച്ചു. ആധുനിക വാഹനങ്ങളിൽ ഉപയോഗിക്കുന്ന ഓട്ടോമോട്ടീവ് മൊഡ്യൂളുകൾ ഇനി ഇന്ത്യൻ മണ്ണിൽ നിർമ്മിക്കപ്പെടും എന്നതാണ് ഈ കരാറിന്റെ പ്രത്യേകത. അസമിലെ ജാഗിറോഡിലുള്ള ടാറ്റ ഇലക്ട്രോണിക്സിന്റെ പുതിയ സെമികണ്ടക്റ്റർ പ്ലാന്റിലായിരിക്കും ഉൽപ്പാദനം നടക്കുക.
വാഹനങ്ങളിലെ ഡിജിറ്റൽ സംവിധാനങ്ങളെ നിയന്ത്രിക്കുന്ന തലച്ചോറ് എന്ന് ഇവയെ വിശേഷിപ്പിക്കാം. ഡിജിറ്റൽ കോക്ക്പിറ്റുകൾ, ഇൻഫോടെയ്ൻമെൻ്റ് സിസ്റ്റങ്ങൾ, കണക്റ്റിവിറ്റി പ്ലാറ്റ്ഫോമുകൾ എന്നിവയിലാണ് ഇവ പ്രധാനമായും ഉപയോഗിക്കുന്നത്. ക്വാൽകോമിന്റെ പ്രശസ്തമായ സ്നാപ്ഡ്രാഗൺ ഡിജിറ്റൽ ചേസിസ് അടിസ്ഥാനമാക്കിയുള്ള ഹാർഡ്വെയറുകളാണ് ടാറ്റ ഇവിടെ നിർമ്മിക്കുക. 3 ബില്യൺ ഡോളർ ചെലവിലാണ് അസമിലെ ഈ വമ്പൻ പ്ലാന്റ് ഒരുങ്ങുന്നത്. ഇന്ത്യയിലെ ആദ്യത്തെ തദ്ദേശീയ ഔട്ട്സോഴ്സ്ഡ് സെമികണ്ടക്റ്റർ അസംബ്ലി ആൻഡ് ടെസ്റ്റ് (OSAT) കേന്ദ്രമാണിത്. ആഗോള വിപണിയിലേക്ക് ആവശ്യമായ ചിപ്പുകൾ ഇന്ത്യയിൽ നിർമ്മിക്കുന്നതിലൂടെ മേക് ഇൻ ഇന്ത്യ പദ്ധതിക്ക് ഇത് വലിയ കരുത്ത് പകരും.
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)
The post ഇന്ത്യ ഇനി ആഗോള ചിപ്പ് ഹബ്ബ്; ക്വാൽകോം ഓട്ടോമോട്ടീവ് മൊഡ്യൂളുകൾ ടാറ്റ നിർമ്മിക്കും appeared first on Express Kerala.