പേരിൽ നായരുണ്ട്, പക്ഷെ അന്നയാണ്! അച്ഛന്റെ പേരിനെച്ചൊല്ലിയുള്ള രസകരമായ അനുഭവം പങ്കുവെച്ച് താരം

മലയാളികളുടെ പ്രിയങ്കരിയായ നടി അന്ന ബെൻ തന്റെ അച്ഛനും പ്രശസ്ത തിരക്കഥാകൃത്തുമായ ബെന്നി പി. നായരമ്പലത്തിന്റെ പേരിനെച്ചൊല്ലിയുണ്ടാകാറുള്ള രസകരമായ ആശയക്കുഴപ്പങ്ങളെക്കുറിച്ച് സംസാരിക്കുന്നതാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. വെണ്ണല ക്ഷേത്രത്തിലെ ഒരു പരിപാടിയിൽ അതിഥിയായി എത്തിയപ്പോഴായിരുന്നു സ്കൂൾ കാലം മുതൽ താൻ നേരിടുന്ന ഈ ചോദ്യങ്ങളെക്കുറിച്ച് താരം മനസ്സ് തുറന്നത്.

തന്റെ അച്ഛന്റെ പേര് ‘ബെന്നി പി. നായരമ്പലം’ എന്നായതുകൊണ്ട് താൻ ഒരു നായർ കുടുംബാംഗമാണോ എന്ന് പലരും ചോദിക്കാറുണ്ടെന്ന് അന്ന പറയുന്നു. പേര് ‘അന്ന’ എന്നായതുകൊണ്ട് അത് ‘അന്നപൂർണ്ണ’ എന്നതിന്റെ ചുരുക്കപ്പേരാണോ എന്ന് സംശയിക്കുന്നവരും കുറവല്ല. താൻ എന്തിനാണ് ക്ഷേത്ര പരിപാടികൾക്ക് എത്തുന്നതെന്ന് പോലും ചിലർ അത്ഭുതപ്പെടാറുണ്ടെന്നും താരം ചിരിച്ചുകൊണ്ട് പങ്കുവെച്ചു. നായരമ്പലം എന്നത് ഒരു സ്ഥലപ്പേരാണെന്ന് അറിയാത്തതാണ് പലപ്പോഴും ഇത്തരത്തിലുള്ള കൺഫ്യൂഷനുകൾക്ക് കാരണമാകുന്നത്.

Also Read: ബോക്സ് ഓഫീസ് തകർക്കാൻ ലാലേട്ടനും ഷാരൂഖും; ‘ജയിലർ 2’വിൽ വമ്പൻ കാമിയോകൾ!

‘കുമ്പളങ്ങി നൈറ്റ്സ്’ എന്ന ചിത്രത്തിലൂടെ അരങ്ങേറിയ അന്ന ബെൻ ചുരുങ്ങിയ കാലം കൊണ്ട് തന്നെ തമിഴ്, തെലുങ്ക് ഭാഷകളിലും തന്റെ സാന്നിധ്യം അറിയിച്ചു കഴിഞ്ഞു. പി.എസ്. വിനോദ് രാജ് സംവിധാനം ചെയ്ത ‘കൊട്ടുകാളി’, പാൻ ഇന്ത്യൻ ഹിറ്റായ ‘കൽക്കി 2898 എഡി’ എന്നിവയാണ് അന്നയുടേതായി ഒടുവിൽ പുറത്തിറങ്ങിയ ശ്രദ്ധേയ ചിത്രങ്ങൾ. മലയാളത്തിൽ ‘ലോക’ എന്ന ചിത്രത്തിൽ അതിഥിവേഷത്തിലും താരം എത്തിയിരുന്നു.

The post പേരിൽ നായരുണ്ട്, പക്ഷെ അന്നയാണ്! അച്ഛന്റെ പേരിനെച്ചൊല്ലിയുള്ള രസകരമായ അനുഭവം പങ്കുവെച്ച് താരം appeared first on Express Kerala.