യുഎഇയിൽ ഈ വർഷത്തെ ചെറിയ പെരുന്നാൾ പ്രമാണിച്ചുള്ള അവധി ദിനങ്ങൾ പ്രഖ്യാപിച്ചു. സർക്കാർ മേഖലയ്ക്ക് മാർച്ച് 19 വ്യാഴാഴ്ച മുതൽ മാർച്ച് 22 ഞായറാഴ്ച വരെയാണ് അവധി. മാർച്ച് 23 തിങ്കളാഴ്ച ഓഫീസുകൾ പുനരാരംഭിക്കും. സ്വകാര്യ മേഖലയ്ക്ക് മാർച്ച് 19 മുതൽ 21 വരെയാണ് പ്രാഥമികമായി അവധി നൽകിയിരിക്കുന്നത്. എന്നാൽ റമദാൻ 30 പൂർത്തിയാകുകയാണെങ്കിൽ സ്വകാര്യ മേഖലയിലെ ജീവനക്കാർക്കും മാർച്ച് 22 ഞായറാഴ്ച വരെ അവധി ലഭിക്കും. മാർച്ച് 18-ന് കൂടുന്ന ചന്ദ്രദർശന സമിതിയുടെ തീരുമാനമനുസരിച്ചായിരിക്കും പെരുന്നാൾ എന്ന് ആഘോഷിക്കുമെന്ന് ഉറപ്പിക്കുക.
പെരുന്നാൾ ആഘോഷങ്ങൾക്കായി നീണ്ട അവധി ആഗ്രഹിക്കുന്നവർക്ക് ഇത്തവണ ഒൻപത് ദിവസത്തെ അവധി സ്വന്തമാക്കാൻ അവസരമുണ്ട്. മാർച്ച് 16 തിങ്കൾ മുതൽ 19 വ്യാഴം വരെയുള്ള ദിവസങ്ങളിൽ വാർഷിക അവധി എടുക്കുകയാണെങ്കിൽ, മുൻപത്തെ വാരാന്ത്യമായ മാർച്ച് 14 ശനിയാഴ്ച മുതൽ പെരുന്നാൾ അവധി കഴിഞ്ഞ് മാർച്ച് 22 ഞായറാഴ്ച വരെ തുടർച്ചയായി ഒൻപത് ദിവസത്തെ വിശ്രമം ലഭിക്കും. യാത്രകൾക്കും കുടുംബത്തോടൊപ്പം സമയം ചിലവഴിക്കാനും ആഗ്രഹിക്കുന്നവർക്ക് ഈ പ്ലാനിംഗ് ഏറെ സഹായകരമാകും. മാസപ്പിറവി കാണുന്നതിനെ അടിസ്ഥാനമാക്കി മാർച്ച് 19-നോ 20-നോ ആയിരിക്കും യുഎഇയിൽ ഈദ് അൽ ഫിത്തർ ആഘോഷിക്കുക.
The post യുഎഇയിൽ ചെറിയ പെരുന്നാൾ അവധി പ്രഖ്യാപിച്ചു! appeared first on Express Kerala.