വൈകുന്നേരത്തെ ചായക്കൊപ്പം കറുമുറെ കൊറിക്കാൻ ഒരു പരിപ്പുവടയുണ്ടെങ്കിൽ സംഗതി ഉഷാറായി. സാധാരണ പരിപ്പുവടയിൽ നിന്നും വ്യത്യസ്തമായി മലബാർ ശൈലിയിലുള്ള ‘പച്ചപ്പരിപ്പുവട’ (ഗ്രീൻ പീസ് വട) ഇപ്പോൾ തരംഗമാവുകയാണ്. കുറഞ്ഞ ചേരുവകൾ കൊണ്ട് വീട്ടിൽ തന്നെ തയ്യാറാക്കാവുന്ന ഈ വിഭവം രുചിയിലും ഗുണത്തിലും മുൻപന്തിയിലാണ്.
ആവശ്യമായ ചേരുവകൾ
ഗ്രീൻ പീസ്: 2 കപ്പ് (കുതിർത്തത്)
സവാള: 1 എണ്ണം
പച്ചമുളക്: 2 എണ്ണം
ഇഞ്ചി, വെളുത്തുള്ളി: ചതച്ചത് (ആവശ്യത്തിന്)
മല്ലിച്ചെപ്പ്, പുതിനയില: ആവശ്യത്തിന്
മസാലകൾ: മഞ്ഞൾപ്പൊടി (അര ടീസ്പൂൺ), ഗരം മസാല (മുക്കാൽ ടീസ്പൂൺ)
ഉപ്പും വെളിച്ചെണ്ണയും: പാകത്തിന്
Also Read: സൂക്ഷിക്കണം ‘അനുരിയ’യെ; അവഗണിക്കരുത് ഈ ലക്ഷണങ്ങൾ
തയ്യാറാക്കുന്ന വിധം
ആദ്യം നന്നായി കുതിർത്ത ഗ്രീൻ പീസ് മിക്സിയിലിട്ട് ഒന്ന് തരുതരുപ്പായി (പകുതി) അരച്ചെടുക്കുക. ഇതിലേക്ക് സവാള, ഇഞ്ചി, വെളുത്തുള്ളി എന്നിവ ചേർത്ത് വീണ്ടും നന്നായി അരയ്ക്കുക.
അരച്ചെടുത്ത ഈ കൂട്ടിലേക്ക് ആവശ്യത്തിന് ഉപ്പ്, മഞ്ഞൾപ്പൊടി, ഗരം മസാല എന്നിവ ചേർക്കുക. കൂടെ ചെറുതായി അരിഞ്ഞ മല്ലിച്ചെപ്പും പുതിനയിലയും ചേർത്ത് കൈകൊണ്ട് നന്നായി കുഴച്ചെടുക്കണം. ശേഷം ചെറിയ ഉരുളകളാക്കി കൈപ്പത്തിയിൽ വെച്ച് പരത്തി തിളച്ച വെളിച്ചെണ്ണയിൽ ഇട്ട് വറുത്തെടുക്കാം. നല്ല മൊരിഞ്ഞ പാകമാകുമ്പോൾ എണ്ണയിൽ നിന്നും കോരി മാറ്റാം.
ടിപ്പ്: പുതിനയിലയുടെയും മല്ലിച്ചെപ്പിന്റെയും സാന്നിധ്യം ഈ വടയ്ക്ക് പ്രത്യേക മണവും രുചിയും നൽകുന്നു.
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)
The post മലബാർ രുചിയിൽ കറുമുറെ കഴിക്കാൻ ‘പച്ചപ്പരിപ്പുവട’; ഇതാ ഒരു സിമ്പിൾ റെസിപ്പി! appeared first on Express Kerala.