തിയേറ്ററുകളിൽ മികച്ച പ്രതികരണം നേടിയ ഇന്ദ്രജിത്ത് സുകുമാരൻ ചിത്രം ‘ധീരം’ ഒടിടി റിലീസിന് ഒരുങ്ങുന്നു. ഡിസംബർ അഞ്ചിന് തിയേറ്ററുകളിൽ എത്തിയ ഈ ക്രൈം ഇൻവെസ്റ്റിഗേഷൻ ത്രില്ലർ, റിലീസ് ചെയ്ത് ഏകദേശം മൂന്ന് മാസങ്ങൾക്ക് ശേഷമാണ് ഡിജിറ്റൽ പ്ലാറ്റ്ഫോമിലേക്ക് എത്തുന്നത്. പ്രമുഖ ഒടിടി പ്ലാറ്റ്ഫോമായ ആമസോൺ പ്രൈം വീഡിയോ വഴിയാകും ചിത്രം സ്ട്രീം ചെയ്യുക.
പോലീസ് വേഷത്തിൽ ഇന്ദ്രജിത്ത് തകർപ്പൻ പ്രകടനം കാഴ്ചവെച്ച ചിത്രം അദ്ദേഹത്തിന്റെ കരിയറിലെ 99-ാമത്തെ സിനിമയാണ്. നവാഗതനായ ജിതിൻ ടി. സുരേഷ് സംവിധാനം ചെയ്ത ചിത്രത്തിന് ദീപു എസ്. നായർ, സന്ദീപ് സദാനന്ദൻ എന്നിവർ ചേർന്നാണ് തിരക്കഥയൊരുക്കിയത്. അജു വർഗീസ്, ദിവ്യ പിള്ള, നിഷാന്ത് സാഗർ, രഞ്ജി പണിക്കർ, റെബ മോണിക്ക ജോൺ, സാഗർ സൂര്യ എന്നിവരും പ്രധാന വേഷങ്ങളിൽ എത്തുന്നു. സൗഗന്ദ് എസ്.യൂ ഛായാഗ്രഹണം നിർവ്വഹിച്ച ചിത്രത്തിന്റെ എഡിറ്റിംഗ് പ്രശസ്ത തമിഴ് എഡിറ്റർ നാഗൂരൻ രാമചന്ദ്രനാണ്. മണികണ്ഠൻ അയ്യപ്പന്റേതാണ് സംഗീതം. ഒടിടി റിലീസ് തീയതി സംബന്ധിച്ച ഔദ്യോഗിക പ്രഖ്യാപനം ഉടൻ ഉണ്ടാകുമെന്നാണ് റിപ്പോർട്ടുകൾ സൂചിപ്പിക്കുന്നത്.
The post ഇന്ദ്രജിത്തിന്റെ ഇൻവെസ്റ്റിഗേഷൻ ത്രില്ലർ ‘ധീരം’ ഒടിടിയിലേക്ക്! appeared first on Express Kerala.