കുട്ടികളുടെ ശാരീരികവും മാനസികവുമായ വളർച്ചയ്ക്ക് ഏറ്റവും പ്രധാനപ്പെട്ടത് അവർക്ക് ലഭിക്കുന്ന പോഷകാഹാരമാണ്. ഭക്ഷണക്രമത്തിൽ വരുത്തുന്ന ചെറിയ മാറ്റങ്ങൾ കുട്ടികളുടെ ഓർമ്മശക്തിയും പ്രതിരോധശേഷിയും വർദ്ധിപ്പിക്കാൻ സഹായിക്കും. കുട്ടികളുടെ ആരോഗ്യത്തിനായി ഡയറ്റിൽ ഉൾപ്പെടുത്തേണ്ട ആറ് പ്രധാന ഭക്ഷണങ്ങൾ ഏതൊക്കെയെന്ന് നോക്കാം.
1. പഴങ്ങൾ
പഴങ്ങളിൽ ധാരാളം ഫൈബറും, വിറ്റാമിനുകളും, ആന്റിഓക്സിഡന്റായ പോളിഫിനോളുകളും അടങ്ങിയിട്ടുണ്ട്. കുട്ടികളുടെ മൊത്തത്തിലുള്ള ആരോഗ്യം മെച്ചപ്പെടുത്താൻ ദിവസവും പഴങ്ങൾ നൽകേണ്ടത് അത്യാവശ്യമാണ്.
2. പച്ചക്കറികൾ (പ്രത്യേകിച്ച് ഇലക്കറികൾ)
ഇലക്കറികളിൽ അടങ്ങിയിരിക്കുന്ന ഫൈബർ, വിറ്റാമിൻ, അയൺ എന്നിവ തലച്ചോറിന്റെ പ്രവർത്തനങ്ങളെ സജീവമാക്കുന്നു. ഇത് കുട്ടികളുടെ പഠനമികവിനും ആരോഗ്യത്തിനും ഗുണകരമാണ്.
Also Read: ക്യാൻസറിനെ പ്രതിരോധിക്കാൻ ഭക്ഷണത്തിൽ ഇവ ഉൾപ്പെടുത്താം!
3. ഓട്സും ബ്രൗൺ റൈസും
ഓട്സ്, ബ്രൗൺ റൈസ് തുടങ്ങിയ ധാന്യങ്ങളിൽ ധാരാളം ബി വിറ്റാമിനുകളും നാരുകളും അടങ്ങിയിട്ടുണ്ട്. ഇത് കുട്ടികൾക്ക് കൂടുതൽ ഊർജ്ജം നൽകുന്നതിനൊപ്പം ദഹനേന്ദ്രിയത്തിന്റെ ആരോഗ്യവും മെച്ചപ്പെടുത്തുന്നു.
4. പാൽ ഉൽപ്പന്നങ്ങൾ
അസ്ഥികളുടെയും പല്ലുകളുടെയും വളർച്ചയ്ക്ക് ആവശ്യമായ കാൽസ്യവും വിറ്റാമിൻ ഡിയും പാൽ, തൈര്, ചീസ് എന്നിവയിൽ ധാരാളമുണ്ട്. കുട്ടികളുടെ ഭക്ഷണത്തിൽ ഇവ ദിവസവും ഉൾപ്പെടുത്താൻ ശ്രദ്ധിക്കണം.
5. മുട്ട
തലച്ചോറിന്റെ പ്രവർത്തനങ്ങളെ പിന്തുണയ്ക്കുന്ന പോഷകങ്ങളുടെ കലവറയാണ് മുട്ട. കുട്ടികളുടെ വളർച്ചാഘട്ടത്തിൽ ആവശ്യമായ പ്രോട്ടീൻ ലഭിക്കാനും മുട്ട മികച്ചതാണ്.
6. കൊഴുപ്പടങ്ങിയ മത്സ്യങ്ങൾ
മത്തി, അയല തുടങ്ങിയ കൊഴുപ്പടങ്ങിയ മത്സ്യങ്ങൾ കാഴ്ചശക്തിയും ഓർമ്മശക്തിയും വർദ്ധിപ്പിക്കാൻ സഹായിക്കുന്നു. ഒമേഗ-3 ഫാറ്റി ആസിഡുകൾ അടങ്ങിയ ഇത്തരം മത്സ്യങ്ങൾ കുട്ടികളുടെ ഡയറ്റിൽ നിർബന്ധമായും ഉൾപ്പെടുത്തേണ്ടവയാണ്.
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)
The post ഓർമ്മശക്തിയും ആരോഗ്യവും കൂടാൻ കുട്ടികൾക്ക് നൽകാം ഈ ‘സൂപ്പർ ഫുഡുകൾ’ appeared first on Express Kerala.