കാഞ്ഞങ്ങാട്: കുരങ്ങിനെ കാണിച്ചുതരാമെന്ന് പ്രലോഭിപ്പിച്ച് പതിനൊന്നുകാരനെ കൂട്ടിക്കൊണ്ടുപോയി പീഡിപ്പിച്ച കേസിലെ പ്രതിക്ക് 30 വർഷം കഠിനതടവും പിഴയും ശിക്ഷ വിധിച്ചു. വലിയപറമ്പ് ഇടയിലക്കാട് സ്വദേശി എം. ബിന്ദുകുമാർ എന്ന നന്ദനെ(53)യാണ് ഹൊസ്ദുർഗ് പ്രത്യേക പോക്സോ കോടതി ശിക്ഷിച്ചത്. ജഡ്ജി പി.എം. സുരേഷാണ് വിധി പ്രസ്താവിച്ചത്.
2024 മാർച്ച് മൂന്നിനാണ് സംഭവം നടന്നത്. ഉച്ചയ്ക്ക് ഒന്നേകാലോടെ കുട്ടിയെ സ്കൂട്ടറിൽ കയറ്റി പ്രതി സ്വന്തം വീട്ടിലെത്തിക്കുകയായിരുന്നു. കുരങ്ങിനെ കാണിച്ചുതരാമെന്ന് വിശ്വസിപ്പിച്ചാണ് കുട്ടിയെ ഇയാൾ പ്രലോഭിപ്പിച്ചത്, തുടർന്ന് വീട്ടിൽ വെച്ച് ക്രൂരമായ പ്രകൃതിവിരുദ്ധ പീഡനത്തിന് ഇരയാക്കി എന്നാണ് കേസ്. പോക്സോ നിയമപ്രകാരം 20 വർഷം കഠിന തടവും 25,000 രൂപ പിഴയും, ഐ.പി.സി പ്രകാരം 10 വർഷം കഠിന തടവും 10,000 രൂപ പിഴയുമാണ് വിധിച്ചത്.
Also Read: മക്കരപ്പറമ്പ് സ്കൂളിൽ വിദ്യാർത്ഥി സംഘർഷം; അഞ്ച് പേർക്ക് ക്രൂരമർദനം, 70 വിദ്യാർത്ഥികൾക്കെതിരെ പരാതി
പിഴയടച്ചില്ലെങ്കിൽ പിഴ അടയ്ക്കാത്ത പക്ഷം ഒരു വർഷം അധിക തടവ് അനുഭവിക്കണം. ശിക്ഷകൾ ഒന്നിച്ചനുഭവിച്ചാൽ മതിയെന്ന് കോടതി ഉത്തരവിൽ വ്യക്തമാക്കിയിട്ടുണ്ട്. പിഴത്തുകയായ 35,000 രൂപ അടച്ചില്ലെങ്കിൽ ശിക്ഷാ കാലാവധി നീളും. ചന്തേര പോലീസ് രജിസ്റ്റർ ചെയ്ത കേസിൽ അന്നത്തെ ഇൻസ്പെക്ടർ ജി.പി. മനുരാജാണ് അന്വേഷണം പൂർത്തിയാക്കി കുറ്റപത്രം സമർപ്പിച്ചത്. പ്രോസിക്യൂഷനുവേണ്ടി സ്പെഷ്യൽ പബ്ലിക് പ്രോസിക്യൂട്ടർ എ. ഗംഗാധരൻ ഹാജരായി.
The post കുരങ്ങിനെ കാണിക്കാമെന്ന് പറഞ്ഞ് 11-കാരന് നേരെ പീഡനം; പ്രതിക്ക് 30 വർഷം തടവ് appeared first on Express Kerala.