മിഡിൽ ഈസ്റ്റിൽ സംഘർഷം അതിരൂക്ഷമാകുന്നു. അമേരിക്ക നയിച്ച ആക്രമണങ്ങൾക്ക് തിരിച്ചടിയായി യുഎഇയിലെയും ബഹ്റൈനിലെയും അമേരിക്കൻ സൈനിക താവളങ്ങൾ ലക്ഷ്യമിട്ട് ഇറാൻ പ്രത്യാക്രമണം നടത്തി. ബഹ്റൈനിലെ അമേരിക്കൻ നാവിക താവളത്തിലും യുണൈറ്റഡ് അറബ് എമിറേറ്റ്സിലെ (യുഎഇ) നിർണ്ണായകമായ അൽ-ദഫ്ര വ്യോമതാവളത്തിലും ഇറാൻ ആക്രമണം നടത്തിയതോടെ മേഖലയാകെ യുദ്ധഭീതിയിലായിരിക്കുകയാണ്. ഇറാനെതിരെ അമേരിക്കയും ഇസ്രയേലും നടത്തിയ സംയുക്ത നീക്കങ്ങൾക്കുള്ള മറുപടിയായാണ് ഈ നടപടിയെന്ന് റിപ്പോർട്ടുകൾ സൂചിപ്പിക്കുന്നു.
ആക്രമണത്തെത്തുടർന്ന് മനാമയിലും അബുദാബിയിലും ശക്തമായ സ്ഫോടന ശബ്ദങ്ങൾ കേട്ടതായി ദൃക്സാക്ഷികൾ സ്ഥിരീകരിച്ചു. ബഹ്റൈൻ തലസ്ഥാനമായ മനാമയിലെ ജുഫൈർ പ്രദേശത്തുള്ള അമേരിക്കൻ നാവിക താവളത്തിന് പരിസരത്ത് നിന്ന് വലിയ തോതിൽ പുക ഉയരുന്ന ദൃശ്യങ്ങൾ പുറത്തുവന്നിട്ടുണ്ട്. സ്വന്തം മണ്ണിലെ ആക്രമണം ബഹ്റൈൻ ഔദ്യോഗികമായി സ്ഥിരീകരിച്ചു കഴിഞ്ഞു. വരും മണിക്കൂറുകളിൽ അമേരിക്കയുടെയും സഖ്യകക്ഷികളുടെയും പ്രതികരണം എന്താകുമെന്ന ആകാംക്ഷയിലാണ് ലോകരാജ്യങ്ങൾ.
The post അമേരിക്കൻ താവളങ്ങൾക്ക് നേരെ ഇറാൻ ആക്രമണം; മനാമയിലും അബുദാബിയിലും സ്ഫോടനങ്ങൾ appeared first on Express Kerala.