അബുദാബി: പശ്ചിമേഷ്യയിൽ ഇറാൻ-അമേരിക്ക സംഘർഷം ശക്തമായ പശ്ചാത്തലത്തിൽ യുഎഇയിലുള്ള ഇന്ത്യൻ പൗരന്മാർക്ക് അതീവ ജാഗ്രതാ നിർദ്ദേശം നൽകി ഇന്ത്യൻ എംബസി. നിലവിലെ പ്രാദേശിക സാഹചര്യങ്ങൾ വിലയിരുത്തി അനാവശ്യ യാത്രകൾ ഒഴിവാക്കണമെന്നും സുരക്ഷാ കാര്യങ്ങളിൽ പ്രത്യേക ശ്രദ്ധ ചെലുത്തണമെന്നും എംബസി പുറത്തിറക്കിയ വാർത്താക്കുറിപ്പിൽ അറിയിച്ചു.
അമേരിക്ക സൈനികതാവളങ്ങൾ ലക്ഷ്യമാക്കി ഇറാൻ ആക്രമണം ആരംഭിച്ചതോടെയാണ് മേഖലയിൽ യുദ്ധഭീതി പടർന്നത്. ഈ സാഹചര്യത്തിൽ പ്രവാസികൾ പാലിക്കേണ്ട പ്രധാന നിർദ്ദേശങ്ങൾ താഴെ പറയുന്നവയാണ്.
Also Read: അമേരിക്കൻ താവളങ്ങൾ ലക്ഷ്യമിട്ട് ഇറാന്റെ പ്രത്യാക്രമണം; ആശങ്കയിൽ പ്രവാസി ലോകം
യാത്രകളിൽ നിയന്ത്രണം: അത്യാവശ്യമല്ലാത്ത എല്ലാ യാത്രകളും പരമാവധി ഒഴിവാക്കുക.
ജാഗ്രത പുലർത്തുക: താമസസ്ഥലത്തും ജോലിസ്ഥലത്തും ചുറ്റുമുള്ള സാഹചര്യങ്ങളിൽ അതീവ ശ്രദ്ധ പുലർത്തുക.
നിർദ്ദേശങ്ങൾ പാലിക്കുക: യുഎഇ അധികൃതരും ഇന്ത്യൻ എംബസിയും നൽകുന്ന സുരക്ഷാ മാർഗനിർദ്ദേശങ്ങൾ കൃത്യമായി പിന്തുടരുക.
അബുദാബിയിലെ ഇന്ത്യൻ എംബസിയും ദുബായിലെ കോൺസുലേറ്റ് ജനറലും നിലവിൽ സാധാരണ നിലയിൽ പ്രവർത്തിക്കുന്നുണ്ടെന്നും പൗരന്മാർക്ക് ആവശ്യമായ സേവനങ്ങളും കൃത്യമായ വിവരങ്ങളും ലഭ്യമാക്കുമെന്നും അധികൃതർ വ്യക്തമാക്കി.
സഹായത്തിനായി ബന്ധപ്പെടാം
ഏതെങ്കിലും തരത്തിലുള്ള അടിയന്തര സാഹചര്യങ്ങൾ നേരിടുന്ന ഇന്ത്യൻ പൗരന്മാർക്ക് താഴെ പറയുന്ന നമ്പറുകളിൽ ബന്ധപ്പെടാവുന്നതാണ്.
ടോൾ ഫ്രീ നമ്പർ: 800-46342
വാട്സാപ്പ്: +971 543090571
ഇമെയിൽ: pbsk.dubai@mea.gov.in, ca.abudhabi@mea.gov.in
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)
The post പശ്ചിമേഷ്യയിൽ സംഘർഷം പുകയുന്നു; യുഎഇയിലെ ഇന്ത്യൻ പൗരന്മാർക്ക് ജാഗ്രതാ നിർദ്ദേശം appeared first on Express Kerala.