ക്ലാസിക് ബൈക്ക് പ്രേമികൾക്കിടയിൽ തരംഗമായ യെസ്ഡി റോഡ്സ്റ്ററിന്റെ പുതിയ പതിപ്പിന്റെ ടീസർ ക്ലാസിക് ലെജൻഡ്സ് പുറത്തിറക്കി. 2026 മാർച്ച് മൂന്നിന് വിപണിയിലെത്തുമെന്ന് പ്രതീക്ഷിക്കുന്ന ഈ പുത്തൻ മോഡൽ, ‘റെഡ് മൂൺ’ എന്ന കൺസെപ്റ്റിനെ ആസ്പദമാക്കിയുള്ള ഒരു പ്രത്യേക പതിപ്പായിരിക്കുമെന്നാണ് സൂചന. ടീസർ ചിത്രങ്ങൾ പ്രകാരം ഇന്ധന ടാങ്കിന്റെ സൈഡ് എക്സ്റ്റൻഷനുകൾ, ഗെയ്റ്ററുകളുള്ള ഫ്രണ്ട് ഫോർക്കുകൾ, എൽഇഡി സൈഡ് ഇൻഡിക്കേറ്ററുകൾ എന്നിവ ബൈക്കിന് കൂടുതൽ സ്പോർട്ടി ലുക്ക് നൽകുന്നുണ്ട്.
Also Read: ഐതിഹാസിക മടങ്ങി വരവ്; ടാറ്റ സിയറ ഇവി 2026-ൽ നിരത്തുകളിലേക്ക്, കരുത്തായി എഡബ്ല്യുഡി സംവിധാനവും!
1970-കളിലെ റെട്രോ ഡിസൈൻ ശൈലി നിലനിർത്തിക്കൊണ്ട് തന്നെ ആധുനികമായ മാറ്റങ്ങളോടെയാകും ഈ ലിമിറ്റഡ് എഡിഷൻ മോഡൽ പുറത്തിറങ്ങുക. നിലവിൽ 1.93 ലക്ഷം മുതൽ 2.08 ലക്ഷം രൂപ വരെയാണ് റോഡ്സ്റ്റർ മോഡലുകളുടെ എക്സ്-ഷോറൂം വില. മെക്കാനിക്കൽ വശങ്ങളിൽ വലിയ മാറ്റങ്ങളില്ലാതെയാണ് പുതിയ റോഡ്സ്റ്റർ എത്തുന്നത്. 29.6 bhp കരുത്തും 29.9 Nm ടോർക്കും ഉത്പാദിപ്പിക്കുന്ന അതേ 334 സിസി, സിംഗിൾ സിലിണ്ടർ ലിക്വിഡ് കൂൾഡ് എഞ്ചിൻ തന്നെയാണ് ഇതിനും കരുത്ത് പകരുന്നത്.
സുഗമമായ ഗിയർ മാറ്റത്തിനായി 6-സ്പീഡ് ഗിയർബോക്സും സ്ലിപ്പ്-ആൻഡ്-അസിസ്റ്റ് ക്ലച്ചും ഇതിൽ ഉൾപ്പെടുത്തിയിട്ടുണ്ട്. സുരക്ഷയ്ക്കായി ഡ്യുവൽ ചാനൽ എബിഎസ് സഹിതമുള്ള ഡിസ്ക് ബ്രേക്കുകളും നിലനിർത്തിയിട്ടുണ്ട്. വൃത്താകൃതിയിലുള്ള എൽഇഡി ഹെഡ്ലാമ്പ്, ടിയർ ഡ്രോപ്പ് ആകൃതിയിലുള്ള ഇന്ധന ടാങ്ക് തുടങ്ങിയ സവിശേഷതകൾ പുതിയ പതിപ്പിനും മാറ്റുകൂട്ടും.
The post പുത്തൻ മാറ്റങ്ങളുമായി യെസ്ഡി റോഡ്സ്റ്റർ എത്തുന്നു; ടീസർ പുറത്ത് appeared first on Express Kerala.