ഇറാനെതിരായ സൈനിക നടപടികൾ അതീവ നിർണ്ണായകമായ ഘട്ടത്തിലാണെന്നും “അഭൂതപൂർവമായ” നീക്കങ്ങളാണ് ഇപ്പോൾ നടന്നു വരുന്നതെന്നും ഇസ്രയേൽ സൈനിക മേധാവി ലെഫ്റ്റനന്റ് ജനറൽ ഇയാൽ സമീർ വ്യക്തമാക്കി. ഇറാനിയൻ ഭരണകൂടത്തിന്റെ സൈനിക പ്രഹരശേഷി തകർക്കുക എന്ന ലക്ഷ്യത്തോടെയാണ് ഈ ഓപ്പറേഷൻ മുന്നോട്ട് പോകുന്നത്. പ്രതിരോധത്തിലും ആക്രമണത്തിലും സൈന്യം ഉയർന്ന തലത്തിലുള്ള സന്നദ്ധത പുലർത്തുന്നുണ്ടെന്നും, ശത്രുവിന്റെ ഭീകര പ്രവർത്തനങ്ങളെ ഇല്ലാതാക്കാൻ ലക്ഷ്യമിട്ടുള്ള സുപ്രധാന നീക്കമാണിതെന്നും അദ്ദേഹം ടെലിവിഷൻ സന്ദേശത്തിലൂടെ അറിയിച്ചു.
അതേസമയം, അമേരിക്കയും ഇസ്രയേലും സംയുക്തമായി നടത്തുന്ന ഈ നീക്കങ്ങൾ അമേരിക്കൻ പ്രസിഡന്റ് ഡോണൾഡ് ട്രംപ് നേരിട്ട് വിലയിരുത്തുന്നുണ്ടെന്ന് വൈറ്റ് ഹൗസ് വ്യക്തമാക്കി. ഫ്ലോറിഡയിലെ മാർ-എ-ലാഗോ റിസോർട്ടിലിരുന്ന് ട്രംപും ഉന്നത ദേശീയ സുരക്ഷാ സംഘവും സ്ഥിതിഗതികൾ ഓരോ നിമിഷവും സൂക്ഷ്മമായി നിരീക്ഷിക്കുകയാണ്. അമേരിക്കയുടെ താൽപ്പര്യങ്ങൾ സംരക്ഷിക്കുന്നതിനും മേഖലയിലെ സുരക്ഷ ഉറപ്പാക്കുന്നതിനുമായി ട്രംപ് നേരിട്ട് ഇടപെടുന്നുണ്ടെന്ന് പ്രസ് സെക്രട്ടറി കരോലിൻ ലീവിറ്റ് സ്ഥിരീകരിച്ചു.
The post ‘സൈനിക നടപടി അഭൂതപൂർവം’; സൈനിക നീക്കം നേരിട്ട് നിരീക്ഷിച്ച് ട്രംപ് appeared first on Express Kerala.