പോക്കോയുടെ ഏറ്റവും പുതിയ സ്മാർട്ട്ഫോൺ നിരയായ എക്സ്8 പ്രോ സീരീസ് ആഗോള വിപണിയിൽ അവതരിപ്പിക്കാനൊരുങ്ങുന്ന വാർത്തകൾ പുറത്തുവന്നു. യുഎഇയിലെ ടിഡിആർഎ സർട്ടിഫിക്കേഷൻ ഡാറ്റാബേസിൽ പോക്കോ എക്സ്8 പ്രോ, എക്സ്8 പ്രോ മാക്സ് എന്നീ മോഡലുകൾ പ്രത്യക്ഷപ്പെട്ടതോടെ ഇവയുടെ ഔദ്യോഗിക ലോഞ്ച് ഉടൻ ഉണ്ടാകുമെന്ന് ഉറപ്പായി. ചൈനയിൽ പുറത്തിറങ്ങിയ റെഡ്മി ടർബോ 5 സീരീസിന്റെ റീബ്രാൻഡ് പതിപ്പുകളായിരിക്കും ഇവയെന്നാണ് സൂചന. “പ്രോ മാക്സ്” എന്ന പേര് പോക്കോയുടെ ഔദ്യോഗിക പട്ടികയിൽ ആദ്യമായി പ്രത്യക്ഷപ്പെട്ടു എന്ന പ്രത്യേകതയും ഈ ലോഞ്ചിനുണ്ട്.
ഡിസൈനിന്റെ കാര്യത്തിൽ ഏറെ ആകർഷകമായ മാറ്റങ്ങളുമായാണ് എക്സ്8 പ്രോ എത്തുന്നത്. മാട്ട് ഫിനിഷുള്ള പിൻ പാനൽ, അല്പം വളഞ്ഞ അരികുകൾ, പിൽ ആകൃതിയിലുള്ള ക്യാമറ മോഡ്യൂൾ എന്നിവ ഇതിന്റെ സവിശേഷതയാണ്. കറുപ്പ്, വെളുപ്പ്, ടർക്കോയിസ് എന്നീ നിറങ്ങളിൽ ലഭ്യമാകുന്ന ഫോണിൽ നേർത്ത ബെസലുകളുള്ള ഫ്ലാറ്റ് ഡിസ്പ്ലേയും പവർ ബട്ടണിലെ ഓറഞ്ച് ഹൈലൈറ്റും ശ്രദ്ധേയമാണ്. 6.59 ഇഞ്ച് 1.5കെ ടിസിഎൽ ഒഎൽഇഡി ഡിസ്പ്ലേയും മീഡിയാടെക്ക് ഡൈമൻസിറ്റി 8500 അൾട്ര ചിപ്സെറ്റും കരുത്തേകുന്ന ഈ ഫോണിൽ 50 എംപി പ്രധാന ക്യാമറയും 6500 എംഎഎച്ച് ബാറ്ററിയും ഉണ്ടാകുമെന്നാണ് റിപ്പോർട്ടുകൾ.
Also Read: വാട്സ്ആപ്പും ടെലിഗ്രാമും ഇനി സിം ഇല്ലാതെ നടക്കില്ല; പുതിയ ‘സിം-ബൈൻഡിങ്’ ചട്ടം നിലവിൽ വന്നു!
സീരീസിലെ കരുത്തനായ എക്സ്8 പ്രോ മാക്സ് വലിയ ഡിസ്പ്ലേയോടും കരുത്തുറ്റ പ്രോസസറോടും കൂടിയാണ് വിപണിയിലെത്തുന്നത്. 6.83 ഇഞ്ച് 1.5കെ ഒഎൽഇഡി ഡിസ്പ്ലേ, മീഡിയാടെക്ക് ഡൈമൻസിറ്റി 9500 എസ് പ്രോസസർ എന്നിവ ഇതിൽ പ്രതീക്ഷിക്കുന്നു. ഒഐഎസ് സഹിതമുള്ള 50 എംപി ലൈറ്റ് ഹണ്ടർ 600 പ്രൈമറി ക്യാമറയും 8500 എംഎഎച്ച് എന്ന പടുകൂറ്റൻ ബാറ്ററിയുമാണ് ഈ മോഡലിന്റെ പ്രധാന ആകർഷണങ്ങൾ. 100 വാട്സ് വയേർഡ് ചാർജിംഗ് സൗകര്യവും ഈ സ്മാർട്ട്ഫോണുകളിൽ ലഭ്യമാകും.
The post സ്മാർട്ട്ഫോൺ വിപണി പിടിച്ചടക്കാൻ പോക്കോ! എക്സ്8 പ്രോ, എക്സ്8 പ്രോ മാക്സ് സീരീസ് ഉടൻ എത്തുന്നു appeared first on Express Kerala.