കേരള ഇൻഫ്രാസ്ട്രക്ചർ ഇൻവെസ്റ്റ്മെന്റ് ഫണ്ട് ബോർഡിലെ ടെക്നിക്കൽ ഇൻസ്പെക്ഷൻ വിങ്ങിൽ ഇൻസ്പെക്ഷൻ എൻജിനീയർ (സിവിൽ) തസ്തികയിലേക്ക് അപേക്ഷ ക്ഷണിച്ചു. സെന്റർ ഫോർ മാനേജ്മെന്റ് ഡെവലപ്മെന്റ് (CMD) വഴിയാണ് നിയമന നടപടികൾ നടക്കുന്നത്. താല്പര്യമുള്ള ഉദ്യോഗാർത്ഥികൾക്ക് സിഎംഡിയുടെ ഔദ്യോഗിക വെബ്സൈറ്റ് വഴി ഓൺലൈനായി അപേക്ഷ സമർപ്പിക്കാവുന്നതാണ്. മാർച്ച് 13 വൈകുന്നേരം 5 മണി വരെയാണ് അപേക്ഷകൾ സ്വീകരിക്കുന്ന അവസാന തീയതി.
സിവിൽ എൻജിനീയറിങ്ങിൽ ബി.ടെക് ബിരുദമുള്ളവർക്കാണ് ഈ അവസരം. കൂടാതെ പൊതുമേഖലയിലെ പദ്ധതി നിർവ്വഹണം അല്ലെങ്കിൽ നിർമ്മാണ മേഖലയുമായി ബന്ധപ്പെട്ട് കുറഞ്ഞത് അഞ്ച് വർഷത്തെ പ്രവൃത്തിപരിചയം ഉണ്ടായിരിക്കണം. അപേക്ഷകരുടെ പ്രായം 35 വയസ്സിൽ കൂടാൻ പാടില്ല. കരാർ അടിസ്ഥാനത്തിലായിരിക്കും നിയമനം നടക്കുക. പ്രോജക്ട് പരിശോധനകൾ, ഫീൽഡ് ലെവൽ ഇൻസ്പെക്ഷൻ, ടെക്നിക്കൽ ഡോക്യുമെന്റേഷൻ എന്നിവയാണ് ഈ തസ്തികയിലുള്ളവർക്ക് നിർവ്വഹിക്കേണ്ടി വരുന്ന പ്രധാന ചുമതലകൾ. ഓൺലൈൻ അപേക്ഷാ നടപടികളിൽ സംശയങ്ങളുള്ളവർക്ക് സഹായത്തിനായി ഹെൽപ്പ് ഡെസ്ക് നമ്പറുകൾ ലഭ്യമാക്കിയിട്ടുണ്ട്. പ്രവൃത്തി ദിവസങ്ങളിൽ രാവിലെ 10 മണി മുതൽ വൈകുന്നേരം 5 മണി വരെ 0471 2320101 (എക്സ്റ്റൻഷൻ: 237, 250) എന്ന നമ്പറിൽ ഉദ്യോഗാർത്ഥികൾക്ക് ബന്ധപ്പെടാം. വിശദമായ വിജ്ഞാപനവും അപേക്ഷിക്കാനുള്ള ലിങ്കും സിഎംഡിയുടെ ഔദ്യോഗിക വെബ്സൈറ്റിൽ ലഭ്യമാണ്.
The post കിഫ്ബിയിൽ ജോലി ഒഴിവ്: സിവിൽ എൻജിനീയർമാർക്ക് സുവർണ്ണാവസരം appeared first on Express Kerala.